وه‌لاتێ كوێتێ هاريكاريا په‌روه‌ردا پارێزگه‌ها دهۆك دكه‌ت
ئه‌ڤرۆ نیوز:
ئه‌ڤرۆ رۆژا سێشه‌مبى ريكه‌فتى 28/3/2017 هاريكاريێن وه‌لاتێ كوێتێ گه‌هشتنه په‌روه‌رده‌يا پارێزگه‌ها دهۆك , وه‌لاتێ كويتێ ب رييا كۆنسلخانا گشتى يا خو ل هه‌رێما كوردستانێ پێتڤيێت خواندنێ وه‌كو هاريكارى پێشكێشى په‌روه‌ردا دهۆك دكه‌ت
دلۆڤان عبدالحميد : رێڤه‌به‌رێ پێتڤيێت قوتابخانا يا سه‌ر ب رێڤه‌به‌ريا گشتى يا په‌روه‌ردا دهۆك ڤه دا ديار كرن كۆ ئه‌ڤ هاريكاريه پێكدهێن ژ 1500 ته‌ختێن رۆينشتنا قوتابيان و 500 وايت بورد و تايبه‌تن بۆ وان په‌روه‌ردێن قوتابيين ئاواره لێ د خوينن و گۆت ژى كۆ ئه‌ڤ پێتڤيه هه‌ر ئه‌ڤرۆ گه‌هشتينه عمبارێن پيتڤيێت قوتابخانا و دێ هێنه پارڤه‌كرن لسه‌ر په‌روه‌رده‌يێن دهۆك رۆژهه‌لات و رۆژئاڤا و سێمێل كۆ به‌هرا هه‌ر په‌روه‌رده‌كا ناڤهاتيه هاتيه دياركرن
دا زانين ژى كۆ ئه‌ڤ هاريكاريه تايبه‌تن ژلايێ وه‌لاتێ كويتێ ڤه بۆ وان قه‌زايێن رێژه‌كا زوور يا ئاوارا ل قوتابخانان دخوينن له‌ورا ئه‌ڤ رێژا كه‌ل و په‌لان ره‌وانه كرينه بۆ په‌روه‌ردا پارێزگه‌ها دهۆك
هه‌ژى گۆتنێ يه به‌ريا دوو مه‌هان كۆنسلێ وه‌لاتێ كوێتێ سه‌ره‌دانا پارێزگه‌ها دهۆك كر و سۆز دابوو كۆ هنده‌ك ژوان پێدڤیا بو قوتابخانێن پارێزگه‌هێ ژی دابین بكه‌ت , وه‌لاتێ كوێتێ رووله‌كێ گرنگ هه‌بوويه د پێشكێشكرنا هاريكاريان د وارێ په‌روه‌ردێ دا
