ب وێنه: وێنێ كورده‌كى كه‌فته سه‌ر پارێ ده‌وله‌ته‌كا ئورۆپى
ئەڤرۆ نيوز:
حوکمەتا فنلەندا وەکو رێزگرتن ل کارەساتێن کو ب سەرێ گەلێ کوردستانێ ھاتینە وێنێ ئالان کوردی ئەو زارۆیێ کو سالا ٢٠١٥ ل تورکیا د ناڤ ئاڤێ دا گیانێ خوە ژ دەست دابوو کرە سەر پارێ خوە و کوردێن فنلەندا و ئورۆپا ژی کەیفخوەشیا خوە ل ھەمبەر وێ یەکێ نیشا دان و دیار کرن کو ئەو یەک پێنگاڤەکا گرنگە بۆ نیشا دانا وان کارەساتێن کو ب سەرێ گەلێ کوردستانێ ھاتینە.
بەرپرسەکێ وەزارەتا ناڤخوە یا فنلەندا ژی د داخۆیانیەکێ دا بۆ ئاژانسا رویتەرز دیار کریە کو مرنا ئالان کوردی ئەو زارۆیێ بچووک کارەساتەکا دلتەزین بوو و مە ژی خواست ب ڤی رەنگی رێزێ ل مافێ مرۆڤان و زارۆیان بگرین، براستی ژی مرنا زارۆیێن سووریێ ژ بەر شەرێ ل وی وەلاتی کارەساتەکا مەزنە و ئەڤ کارەساتە یا بەردەوامە و ئەم ھێڤیدارین کو شەرێ ل سووریێ و عیراقێ ب دووماھی بھێت چونکو ھەری زێدە زارۆ دبنە قوربانیێن شەری.
ھەژی ئاماژەپێدانێ یە کو ئالان کوردی زارۆیەکێ بچووک یێ رۆژئاڤایێ کوردستانێ بوو، سالا ٢٠١٥ دەمێ کو ل گەل خێزانا خوە دخواستن دەربازی ئورۆپا ببن ل وەلاتێ تورکیا د ناڤ ئاڤێ دا گیانێ خوە ژ دەست دا و مرنا ئالانی رەنگڤەدانەکا مەزن د ئاستێ جیھانی دا ھەبوو و ھەری دووماھیێ ژی حوکمەتا فنلەندا وێنێ ئالانی ل سەر پارێ خوە دانا.
