توركيا نه‌ره‌حه‌تيا خوه ل هه‌مبه‌ر سه‌رۆكێ ئه‌مريكى بۆ ڤێ بڕيارێ نيشان دا
ئه‌ڤرۆ نيوز:
جێگرێ سه‌رۆك وه‌زيرێن توركيا راگه‌هاند، هنارتنا چه‌كى بۆ يه‌كينێن پاراستنا گه‌ل “يه‌په‌گه” ل رۆژئاڤايێ كوردستانێ ژ لايێ ئه‌مريكا ڤه جهێ قه‌بوولكرنێ نينه.
نوره‌دين جانيكلى جێگرێ سه‌رۆك وه‌زيرێن توركيا ئه‌ڤرۆ ده‌رباره‌ى چه‌ككرنا يه‌په‌گێ ژ لايێ ئه‌مريكا ڤه ب چه‌كێ گران گۆت: “هنارتنا چه‌كى بۆ يه‌په‌گێ جهێ قه‌بوولكرنێ نينه و سياسه‌ته‌كا ب ڤى ره‌نگى مفا نابيت”.
گۆتژى: “ئه‌مريكا د رێيا يه‌په‌گێ را هه‌موو ره‌نگێن هاريكاريان دده‌ته په‌كه‌كێ و چاڤه‌رێ دكه‌ين ئه‌ڤ خه‌له‌تيه بهێته راوه‌ستيان”.
دوهى ئيدارا دۆنالد تره‌مپ سه‌رۆكێ وه‌لاتێن ئێكگرتى يێن ئه‌مريكا ره‌زامه‌ندى ل سه‌ر دانا چه‌كى ب يه‌كينێن پاراستنا گه‌ل “يه‌په‌گێ” راگه‌هاند سه‌ره‌راى نه‌رازيبوونا دژوارا توركيا.
