بھایێ دەخل و دانی ھاتەدانان
ئەڤرو نیوز ، نەوزاد زادە ھلوری:
د کومبوونا ئەڤرۆ یا پارێزگارێ دھۆک و رێڤەبەرێ گشتیێ دان و دکاکا ل عیراقێ بەحس ل چەند پرسان ھاتەکرن ژ وان پرسا دانانا بھایێ دەخل و دانی بو ئەڤ سالە.
سپێدەیا ئەڤرۆ ١١ ئایارا ٢٠١٧ بەرێز فەرھاد ئەترۆشی پارێزگارێ دھوکێ پێشوازیا بەرێز نەعیم موحسین جبر رێڤەبەرێ گشتیێ دان و دکاکا ل عیراقێ ل کوچکا پارێزگەھا دھۆک کر.
دھەڤدیتنەکێ دا نەعیم موحسین جبر رێڤەبەرێ گشتیێ دان و دکاکا ل عیراقێ زێدەباری سوپاسیکرنا پارێزگەھا دھوکێ بەحس لسەر پروسا وەرگرتنا دەخل و دانی کر کو ئەڤە چەندین ساڵە ب شێوەیەکێ سەرکەفتی دھێتەکرن و بەحس لسەر وەرگرتنا پروسەیا ئەڤ سال ژی یا وەرگرتنا دەخل و دانی ھاتەکرن و خواست کو پارێزگەھا دھوکێ ھەڤکاریێن زێدەتر دڤی بیاڤی دا بکەت و دوڤدا بھایێ ئەڤ ساڵ یێ دەخل و دانی ھاتەدیارکرن.
ژلایەکێ دنڤە فەرھاد ئەترۆشی پارێزگارێ دھوکێ کارێ وان بلند نرخان و چەندین پێشنیار و رێنمایی پێخەمەت زێدەتر پێشڤەبرنا پروسەیا دەخل و دانی دانە وان و ھەڤکاریا پارێزگەھا دھوکێ دڤی بیاڤی دا بو شاندنێ ناڤبری دیارکر.
جھێ ئاماژە پێکرنێ یە کو ئەڤ سالە بھایێ ئێک تەنا گەنمی ب ٥٦٠ ھزار دینارا بو گەنمێ پلە ئێک ھاتە خەملاندن و بو گەنمێ پلە دوو ژی ٤٨٠ ھزار دینار و بو یێ پلە سێ ٤٢٠ ھزار دینار ھاتە خەملاندن ، بەرامبەر سالا بوری کو بھایێ ئێک تەنا گەنمێ پلە ئێک ٧٠٠ ھزار دینار بوو ، و پلەیا دوو ٦٠٠ ھزار و پلەیا سێ ٥٠٠ ھزار دینار.
ل گورەی زانیاریان دھێتە پێشبینیکرن کو ئەڤ سالە ل سەرانسەرێ عیراقێ ٣ ملیون و ٦٥٠ ھزار تەنێن دەخل و داخی بھێنە وەرگرتن.
