سوبەھی دێ ئەزموونێن نەکوتایێن قوتابیان دەست پێ کەن
ئەڤرو نیوز ، نەوزاد زادە ھلۆری:
رێڤەبەریا گشتی یا پەروەردێ ل پارێزگەھا دھوکێ دیارکر کو سوبەھی دێ ئەزموونێن نەکوتایێن قوتابیان ل سنوورێ پارێزگەھا دھۆک دەست پێ کەن.
ئەحمەد زوبێر بەرپرسێ راگەھاندنا رێڤەبەریا گشتی یا پەروەردێ ل پارێزگەھا دھوکێ د داخویانەکێ دا بۆ ئەڤرو نیوز گۆت: (سوبەھی رێکەفتی ١٣ ئایارا ٢٠١٧ شەمبی دێ ئەزموونێن نەکوتایێن قوتابیان ل سەرانسەرێ پارێزگەھا دھوکێ بۆ قوناغێن بنەرەتی و ئامادەیی دەست پێ کەن)
زێدەتر گۆت: (ژبلی قوتابیێن رێزا نەھێ بنەرەتی و دوازدێ ئامادەیی سەرجەم قوتابێن دن دێ پشکداریێ د ئەزموونان دا دا کەن و ھەموو بەرھەڤی ژی ھاتینەکرن و رێڤەبەریا گشتی یا پەرورەدێ ل پارێزگەھا دھۆک دێ ژ نێزیک سەرەدان و ھایدارێ ھولێن ئەزموونان بیت)
ل گورەی داتایێن رێڤەبەرا گشتی یا پەروەردێ ل پارێزگەھا دھوکێ سوبەھی دێ نێزیکێ ٢٠٠ ھزار قوتابیان لسەرانسەرێ پارێزگەھا دھوکێ پشکداریێ د ئەزموونان دا کەن.
