حه‌يده‌ر شه‌شۆ: دڤێت په‌كه‌كه شنگال چۆل بكه‌ت و نه‌كه‌ته قه‌نديلا دويێ
ئه‌ڤرۆ نيوز:
حه‌يده‌ر شه‌شۆ، فه‌رماندێ هێزێن ئێزديخان و سكرتێرێ حزبا ئێزدى ديموكرات كو پێشتر ئه‌ندامێ جڤاتا ناڤه‌ندى يا ئێكه‌تيێ بوويه، راگه‌هاند كو هه‌بوونا په‌كه‌كێ ل شنگال ئه‌گه‌رێ سه‌ركه‌ى يێ ئاڤه‌نداننه‌كرن و ڤه‌نه‌گه‌ريانا ئاوارايه و ته‌كست ژى كر كو دڤێت په‌كه‌كه شنگال چۆل بكه‌ت.
حه‌يده‌ر شه‌شۆ، د چارچۆڤێ چاڤپێكه‌فتنه‌كێ دا ل گه‌ل ئاژانسا ئه‌نادۆل دبێژيت: “ئاڤه‌دانكرنا شنگال پێدڤى ب بوودجه‌كا تايبه‌ت و ئيداره‌كا سه‌ركه‌فتى هه‌يه، ل گه‌ل هندێ ژى نينين په‌كه‌كه شنگال بكه‌ته قه‌نديلا دويێ”.
ئه‌و دبێژيت: “هه‌بوونا په‌كه‌كێ ل شنگال ئه‌گه‌ره‌كێ سه‌ره‌كى يێ ئاڤه‌داننه‌كرن و ڤه‌نه‌گه‌ريانا ئاوارايه و ل گه‌ل وێ چه‌ندێ ژى كۆمه‌كا ئه‌گه‌رێن دژى هه‌نه كو هه‌تا نوكه خزمه‌تكارى پێشكێشى شنگال نه‌كرينه بۆ چاره‌سه‌ريا كێشا هه‌بوونا په‌كه‌كێ ل شنگال پێدڤيه حوكمه‌تا هه‌رێما كوردستانێ و په‌كه‌كه ل شنگال پێكڤه بگه‌هنه رێكه‌فتنێ و بابه‌ت بهێته ئێكلاكرن”.
ته‌كست ژى كر كو كارێ په‌كه‌كێ ل شنگال يێ ب دووماهى هاتى و دڤێت ڤه‌گه‌رن، نوكه هه‌بوونا په‌كه‌كێ ل شنگال د به‌رژه‌وه‌نديا شنگال و خه‌لكێ هه‌رێما كوردستانێ دا نينه”.
