سۆسیال و دائیرا ریعایێ!؟
هندی ئهم ههین و ههبووین و مه كاردكر، چ دهاته دهستی مه، دكره د بهریكێ دا و مهچ باج و زهریبه و هێڤه و وێڤه و شۆماش ب فهرهنسی و ئاربایتلۆس ب ئهلمانی نهدنیاسین.. ئهز دێ ژ خوه بێژم، من ل كوردستانێ سێ كار پێكڤهدكرن، ئانكو شۆلێ من ٣٠٠٪ بوو و یاسایێن وهلاتێن رێزێ ل ههڤوهلاتیێن خوه دگرن و پێشكهفتی رێكێ نا دهنه ههڤوهلاتیێن خوه ل حهفتیێ ههمیێ ژ ٤٨ سهعهت ههتا ٥٠ سهعهتان زێدهتر كار بكهن بۆ پاراستنا گیان و ساخلهمی و ههستێن وی و كارێ نۆرمالێ وان نابیت ١٠٠٪ بۆریت و ل گهل هندێ ههر سهرێ ههیڤێ دێ پشكهكا بچووك ژ مووچێ وی بۆ ههلگرن و دهنه هندهك دائیرێن وهكو تهقاعدێ (خانهنشین) و دائیرا بهتالا ههكه ناڤێ وێ بكهینه كوردی و دائیرا سهحێ (تهندروستیێ) و دائیرهكا دی یا تایبهته ب روودانێن كاری ڤهدا ههكه خودێ نهكهت و تشتهك ل ته هات سهر كاری و نهشێی شۆل بكهی، دێ تهفرێ كهنه وێ دائیرێ دا راتبێ ته بدهته ته هندی تو نهشێی شۆل بكهی.. ههلبهت ل گهل ڤێ ههمیێ حوكمهتێن وان وهلاتان دێ سهرێ سالێ ته ژ پاتكێ گرن و بێژنه ته وهره جوامێر و دا حهق و حسابان بكهین كا تهچ شۆل كریه و چهند فایده و خوسارهت كریه!! ههكه تو و حوكمهت سهر ب سهر بن ئهو خۆش شۆله، لێ ههكه تهپتر شۆل كربیت دێ بێژنه ته كهرهم بكه هنده پارهی بۆ مه بزڤرینه.. ههلبهت ئهڤ چهنده ژی دمینیته ل سهر مووچێ مرۆڤی، ههكه گهلهك بیت دێ حوكمهت ههر هندهكێ ژ ته لهعبتینیت بۆ كارێن خزمهتكوزاریێن خوه و باژێرێ تو لێ دژی.. لێ ههكه تو و حوكمهت تهعادل ببن، چ ژ ته ناوهرگریت.. سیستهمێ وان ئهڤهیه.. نهوهكی من دهمێ ل كوردستانێ سێ كاردكرن و ههر چهنده وهكو نوكه هندهك جاران مووچێ مه نهددا مه، دابێژن قهیرانه (قهیرانا كوردستانێ یا كهڤنه، نهیا ژ ههوه ڤه یانووی یه!!)، لێ پا من چ وهردگرت مه “أنا أنزلناه فی الجیبی كاملا مكملا” دكر و مایێ كهسێ تێ نهدچوو.. حوكمهتا چ حالێ چ؟ ئاربایتلۆس و شۆماش و تهقاعد چیه؟ بۆ زانین ئهڤ سیستهمه نه تنێ بۆ فهرمانبهرێن حوكمهتێ یه؟ نهخێر بۆ ههر كهسهكێ ل ئورۆپا كار بكهت چ سهرۆك بیت یان پالهكێ نۆرمال بیت.. خهلك هۆسا ژیانا ههڤوهلاتیێن خوه برێڤهدبهت.. باشهپا ئهوێن شۆل نهكهن چاوا راتبان وهردگرن؟ گهلهك ڤێ پسیارێ دكهن..ئهو كهس یێ ل سهر گوهێن دائیرێن سوسیالێت وان وهلاتان ب تایبهت پهنابهر و ئهوێن مافێ پهنابهریێ وهردگرن..وهكو ب كوردی دبێژن بۆ وان د كولینكێ را دهێت و دوعا دهی بابایه، (نهكهوب خوه) و ههوه راستی ژی دڤێت وهزعێ وان باشتره ژ یێن شۆل دكهن، چونكی هندهك ژ وان د بهرا بهرا بۆ خوه شۆلێ رهش دكهن و مووچهیێن ل كوردستانێ ههین و ههر سهرێ ههیڤێ دێ دائیرا سۆسیالێ كو پشكهكا ههرهگرنگه ژ حوكمهتێ مووچێ وان كهته د دهستێ وان دا، یانژی هاڤێته سهر حسابا وانا بانقێ و كریا خانی و تهئمین صحی و حهقێ كارتێن پاص و ترامێن وان بۆ ههیڤێ ههمیێ بۆ سهرفكهن و دپالدای و بۆ زانین پشكهكا مهزن ژ پارێ وان بهتالا ژ وان خۆلیبسهرێن شۆل دكهن بۆ حوكمهتێ دچیت و حوكمهت ب رێكا سۆسیالێن خوه د دهتهوان بهتالا!! باوهر بكهن زۆر جاران ل بهر مرۆڤی بهرزهدبیت چونكی دهمێ بهتال و ل سهر سۆسیالێ وهزعێ مادیێ مرۆڤی باشتره و دهمێ شۆل دكهت دۆلارێ وی پیس دههبتیت، چونكی دڤێت ئهو كریا خانی و ههمی مهسرهفێ خوه بدهت و ههكه حوكمهتێ دیت كو نهشێت دێ پیچهكی هاریكاریا وی كهت دا نهكهڤیت..مه ژی ل كوردستانێ سۆسیالا ههی نهیا ژ ههوه ڤه ئهم دپاشكهفتی نه؟ لێ سۆسیالا مه دبێژنێ دائیرا ریعایێ..لێ وهكو سیستهم و برێڤهبرن كا سۆسیالێن ڤارا و كا ریعایێت مه؟ عهرد و عهسمانا ژێكدجودانه، چونكی ریعایێت مه ب فالتۆن برێڤهدچن ههر ژ كهڤن وهره و شوونا مه مووچێن پارێن گازێ ههبن دێ ههر چهند چهند ههیڤا جارهكێ ١٥٠ یان ٢٠٠ هزارهكا بهردهنه دهڤێ مه و كهنه منهت و تبلچاڤكانێ ل سهر مه!! لهوما خۆزی سیستهمێ زۆربهی زۆری دائیرێن كوردستانێ هاتبا گوهۆرین و دهست ژ سیستهم و یاسایێن حوكمهتێن عیراقێ یێن بهرێ و یێن نوكه بهردهت و بۆ خوه دهست ب دانا سیستهمهكێ پێشكهفتی یێ نوو و مفایێ ژ سیستهمێن وهلاتێن پێشكهفتی بكهت، چونكی مخابن ئهڤ مللهته ل سهر یاسایێن نهمه كوردان داناین بهێته برێڤهبرن..
