تهڤگهرا گۆڕان بهر ب دهرزێن ژناڤچوونێ
دووڤ پێشبینیێن گهلهك سیاسی و شارهزا و بسپۆر، دیسا ژی بۆچوونێن جادا كوردستانی كو ب لهز و زوو بریارێ ددهن، دبێژن تهڤگهرا گۆڕان پشتی وهغهرا ناوشێروان موستهفا دێ فالنجی بیت و دێ ژ ناڤچیت و دێ لاوازی بنه ئهگهرێ مرنا وێ پشتی بابێ وان یێ روحی و مهرجهعێ وان یێ هزری و پلانێ وهغهرا داویێ كری، بێ كو ئهگهرێن فالنجیبوونێ و ژناڤچوونێ دیاركهن، یان خوه ل پاشهرۆژێ بگرن كا دێ چ ب سهری هێت و چ گۆڕانكاری د ناڤ خوهدیێ وان دا پهیدابن، یان دبیت نهوێرن ههموو ئهگهرا بێژن دا كو تهڤگهرا گۆڕان ل سهر وان ئهگهرا كار نهكهت و هێزا خوه ژ دهست نهدهت و خهونا وانا ببیته راستی.
ب بۆچوونا من و من چ نینه ژێ بترسم یان ببیته رێگر نهبێژم، و ل دووڤ خواندنا من بۆ تهڤهرا گۆڕان و درستبوونا وێ و ئارمانج و پلانێن وێ و هێزا ناڤخوهی ژ یێن مایی د ڤێ تهڤگهرێ دا، بزاڤا گۆڕان دێ گهلهك دهرز كهڤنێ، لێ وهك ناڤ دێ مینیت بۆ دهمهكێ درێژ ژبهر كو گهلهك سهركرده و كهسێن باوهریهكا موكوم و كۆره ب لایهنگرێن خوه ههین، د خهیالا هندێ دا نه دێ مینن كو گۆڕان ههر وهك خوهیه و ل دووڤ هێزا خوهیه.
لێ پێشبینیێن من بۆ تهڤگهرا گۆڕان نابێژم دێ ژناڤچیت دێ وهك ناڤ وكارێ سیاسی مینیت ب هێزهكا لاواز بێ مهرجهعیهت بێ ئێكگرتن و ئێك ههلویست و ئێك ئارمانج و ئێك دیتن و ژ وان دهرزێن دێ كهڤنێ:
لهز بریاردانا هندهك كادرێن گۆڕان و سهركردێن وان و چوونا وان بۆ ناڤ رێزین پاڕتێن دن یێن سیاسی و بێدهنگبوونا هندهك كادرێ دن و دووربوونا ژمارهكا زۆر بۆ دهمهكێ دن و دووركهتن ژ ههموو حزبێن سیاسی.
یا دووێ مایتێكرنا كۆڕێن ناوشێروان د حزبێ دا دێ بیته ئهگهرێ دووربوونا هندهك ژ سهركردێن ب هێز یێن ناڤا گۆڕان.
ئهگهرێ سیێ ههبوونا هندهك سهرێن مهزن و خودان بۆچوونێن تهك و هزرێن تایبهت، مینا سێ سهرێن مهزن د ناڤ گۆڕان دا كو دبیت ههر ئێك سهركێشیێ بۆ خوه بڤهكێشی و خوه باشتر ببینیت، دێ بیته ئهگهرێ دهرزهكا دی یا مهزن و چوونا هندهكێن دن بۆ ناڤ رێزێن حزبێن دی.. مینا (عومهر سهید عهلی، عوسمان حاج مهحموود، محهمهد تهوفیق رهحیم)
ئهگهرێ چارێ، ئهو هێزا گۆران یا ههی بهری نها ژ ئهگهرێ مانا ناوشێروان موستهفا بوو، لێ ب چوونا من پارتێن سیاسی ئێدی وی سهنگی نادهنه سهركردێن مای ژ گۆڕان، دیسا ئهو هێز و كاریزما ناوشێروان ههی كهس ژ سهركردێن گۆڕان نینن و نهشێن چارێكا سهنكا وی بێخنه د تهڤگهرا خوهدا، لهو د ڤێ شرۆڤهكرنێ دا دێ گهلهك لاینگر ههر زوو زڤرن بۆ ناڤ ئێكهتی نشتیمانی كوردستان و پارتێن دن، چونكو ژمارا ههرا مهزن یا لاینهگرێن گۆڕان ژ بهر ههبوونا ناوشێروان لاینگربوون و گهلهك ناكۆكی ل گهل سهركردێن دن یێن بزاڤا گۆڕان ههبوون.
ئهگهرێ دن، ل دهڤهرێن دوور ژ دهستێ گۆڕان ژ بهر ئاریشێن دێ كهڤنه د ناڤبهرا وان دا ل سهنتهرێ بریارێ وجڤاتا وان یا گشتی و دهرزێن ههی دێ هێنه پشه گوهـ هاڤێتن و بێ پووتهكرن ئهو ژی ژ هێزا گۆڕان كێم كهت و دهرزهكا دی ل گۆڕان زێدهدكهت.
رێخستێن حزبێن دی مینا ئێكهتی پارتی یهكگرتوو ب زمانهكێ دی و ب رهفتارهكا دی خوه نێزیك تهڤگهرا گۆڕان كهن ودێ بنه ئهگهرێ ههبوونا دهرزان ناڤ رێزێن ڤێ پارتێدا و مێشتنا تێهنا مایی ژ ڤێ تهڤگهرێ.
ئێك ژ ئهگهرێن دن یێن پهیداكرنا دهرزان، دهركهتنا پێزانینێن گڕنك ژ ڤێ تهڤگهرێ بۆ دهزگههێن ئستخباراتی و ئهمنی و حزبی دێ باوهریێ ل ناڤبهرا تهڤ سهركرده و لاینهگران شكێنیت و ژێكجودا كهت بۆ ژێكڤهبوونا ڤێ مالێ.
ل قووناغا داهاتی یا ههڕێمێ لێك نێزیكبوونا پارتی و ئێكهتی و پرۆژێ یهكگرتوویا ئیسلامی و پارتێن دن دێ بیته ئهگهر تههمیش یان پشت گوهاڤێتنا تهڤگهرا گۆڕان كو ئێدی ژ بهر نه زوو بهرسڤدان و نهبوونا ههلویستێن لهز یێن نهتهوهی و گیرۆكرنا گهلهك پرۆژێن گرنگ یێن چارهنڤیسێ ههڕێمێ پێڤه گرێدای دێ تهڤگهر بیته پاشگۆ و ههر حزبهك دێ كاركهت بۆ ڤهكێشانا كادرێن ب تێهن و خودان هزرێن واقعی و مهنتقی ژ ڤێ تهڤگهرێ.
ناوشێروان سهد دهر سهد پلانهك یا ب دووڤ خوه هێلای بۆ جڤاتا سهركردایهتیا گۆڕان، لێ دبیت ئهڤ جڤاته پێگیریێ پێ نهكهت، ئهو نه پێگیری دێ هندهك بینن بێ رێزی و دێ دهرز بهرفرههتڕ لێ هێن كو تهمهنێ بزاڤا گۆڕان كورت ببیت
لێ بۆچوونهكا من یا دی دبیت ژ ئهگهر نهمان و لاوازییا گۆڕان ئهڤه ببیته هێزهك بۆ پارتهكا سیاسی یا باشۆری، ژ بهر ڤێ ئێكێ دێ هندهك هێزێن دی یێن سیاسی یێن كوردی چ ل باشۆر و چ ل دهرڤهی باشۆر هێنه ناڤ شهنكستێن ڤێ تهڤگهرێ و ههول دهن نهكهڤیت و رۆلهكێ نێگهتیڤ بگێریت بۆ مهرهمێن دهرهكی.
ئهڤه ههموو پێشبینی بوون و دێ چاڤهرێ ئهنجامان بین.
