پێشمه‌رگه‌ى هێزێن هه‌ڤپه‌یمانان ژ هێرشه‌كا په‌یاده قورتالكرن
ئه‌ڤرۆ نیۆز:
رۆژناما وولسترید جورنال یا ئه‌مریكى د راپۆرته‌كا به‌رفه‌رهدا دیاركر، هێزێن پێشمه‌رگه‌هێ كوردستانێ یا سه‌رب هه‌رێما كوردستانێ ڤه و هێزێن (YPG) ل رۆژئاڤایێ كوردستانێ هێزێن هه‌ڤپه‌یمانان ژ هێرشكرنه‌كا له‌شكرى یا په‌یاده دژى داعشێ قورتالكرن.
رۆژناما ناڤبرى ئاماژه‌دا، هێزا له‌شكرى یا كوردان كو نێزیكى 300 هه‌زار چه‌كدار تێدا هه‌نه د به‌رهه‌ڤن كو هاریكاریا ئه‌مریكا و هه‌ڤپه‌یمانێن وێ دژى داعشێ بكه‌ن.
رۆژنامێ ل سه‌ر زارێ به‌رپرسه‌كێ مه‌زنێ ئه‌مریكى ل وه‌زاره‌تا ده‌رڤه راگه‌هاند، رۆلێ پێشمه‌رگه‌ى ناهێته ژبیر كرن و پێدڤیه و د به‌رژوه‌ندیا ئه‌مریكا دا بوو بشته‌ڤانیه‌كا به‌رفه‌ره‌هتر بۆ پێشمه‌رگه‌ى بكه‌ت.