زیندانیەکێ ل ڤێ پارێزگەها هەرێمی خوە کوشت
ئەڤرۆ نیۆز ، عه‌زیز ره‌سوڵ هه‌ورامانی:
سپێدەیا ئەڤرو ل چاکسازیا مەزنان ل پارێزگەها سلێمانیێ دادگەهکریەکێ ” زیندانیەکێ ” خوە کوشت و هەتا نها ئەگەرا خوە کوشتنا وی ژی نەهاتیە زانین.
ژێدەرەکێ ژ پولیسێن پارێزگەها سلێمانیێ بۆ ئەڤرو نیوز دیارکر کو سپێدەیا ئەڤرو ل چاکسازیا مەزنان ل سلێمانیێ دادگەهکریەکێ خوە کوشت و گۆت: (ژبەر سەدەمەکا نەدیار ئەڤرو سپێدێ دادگەهکریەکێ بناڤێ ” م.ج” کو خەلکێ باژێرێ سلێمانیێ یە خوە حەندقاند و دووماهی ب ژیانا خوە ئینا)
پولیسان زێدەتر گۆت: (ئەڤ دادگەهکریە دایکبوویێ سالا 1987 یە و ب حوکمێ 10 سالان هاتیە دادگەهکرن ، بەلێ هەتا نها سەدەما خوە کوشتنا وی نەهاتیە زانین و پشتی کو پولیس لسەر کوشتنا وی هاتینە ئاگەهدارکرن نها یێ ڤەکولین لسەر خوە کوشتنا وی دەست پێ کریە)
