ئهم و ئهو كهفشته..!
گهلهك جاران مرۆڤ ل ئورۆپا ژبهر نهزانینا زمانێ وی وهلاتێ لێ دژیت پێدڤی ب وهرگێرا دبیت، وهرگێر ژی (مترجم) كارهكی باشه مرۆڤ ل ڤارا بۆ خوه بكهت.. لێ هندهك جاران دكهڤنه ههلۆیستێن وهسا دا ل گهل هندهك پهیڤێن كوردی دا و دمیننه ئاسێ، چونكی مه كوردان هندهك پهیڤێن ههیین د چ زمانان دا نینن.. من ههڤالهكێ ههی هندهك جاران بۆ خوه كارێ وهرگێریێ دكهت و جارهكێ نیڤا شهڤێ تهلهفۆنا من كر، راستی منژی دهمێ ناڤێ وی دیتی ئهز ترسیام من خودێ نهكهت مقهدهرهكێ قهومی.. وهیێ شهپرزه بوو و داخوازا لێبۆرینێ دخوازت كو وێ نیڤ شهڤێ تهلهفۆنا كری و، گۆته من برا من ئاریشهكا ههی و من ههوارا خوه گههانده ته؟ منژی گۆتێ خێره أن شا الله، بێژه ئهزێ د خزمهت دا.. ب راستی ئهز ژی ترسیام من گۆت ئهكید ئاریشهكا ب سهری هاتی و من گۆتێ كا دێ بێژه خێره؟، گۆت برا ب فهرهنسی چ دبێژنهكهفشتهی؟!!! من گۆتێ ئهڤهیه ئاریشا ته؟ گۆتی ئهرێ و الله دوهی من تهرجهمه بۆ ئێكێ دهۆكێ دكر و بیست جاران د ئاخفتنێن خوه دا دگۆت: كهفشته و كهفشته؟ منژی د دلێ خوه دا گۆتێ ههیلا كهفشته، ڤێ نیڤ شهڤێ ته دل ل من بزداند و من گۆت ئاریشهكا ب سهرێ ته هاتی، دهركهفت ئهڤه یه ئاریشا ته؟!! ب راستی ئهز ژی مامه ئاسێ. .چونكی ئهز ژی نزانم كهفشته چ مهعنا ددهت و ژ كیڤه هاتیه و كا كوردی یه یان پهیڤهكا بیانی یه و خوه تهحشی كریه د ناڤ زمانێ مه دا؟ من ژی گۆتێ برا و الله ئهز ژی نزانم كا كهفشته چیه و ژ كیڤه هاتیه؟ گۆته من باشه ب فهرنسی چ دبێژنه بابێ لهعبێ؟ و بابێ زهلاما؟!! دێ ڤێجا وهره…؟ مه چ ژ پهیڤا كهفشتهی چێنهكر، ڤێجا گهرا تشتهكی ژ بابێ لهعبێ و بابێ زهلاما چێبكهین!! من گۆتێ مالا ته دێ ههما تو ژی پنی بكه و تشتهكێ فهرهنسی یێ وهكی وان پهیڤا بێژه.. گۆتی برا ما دێ چاوا بێژمه حاكمی یان محققی تو بابێ زهلامای، یان بابێ لهعبێی؟!! ل ڤێره ئهز و ئهو ههردو ماینه ئاسێ، و من هزرێن خوه كرن.. باشه ئهڤ پهیڤه ژ كیڤه هاتینه و چ مهعنا ددهن د گهل چهندین پهیڤێن دی د زمانێ مهدا !؟ تشتێ سهیر ژی ئهوه كو ئهڤ پهیڤه ژ جیلهكی بۆ جیلهكی دهێنه ڤهگوهاستن و دمیننه د ناڤ جڤاكێ مه دا و سهر ئهزمانێ مه و ئهز ب خوه ژی گهلهك جاران ب سوحبهت ڤه دبێژنهمه هندهك ههڤال و برادهرێن نێزیك ها كهفشته چ دكهی؟ حهرام ههكه ئهز بزانم ژی كا چ مهعنا ددهت، لێ پا شك د هندێ دا نینه كو پهیڤهكا نهیا جوانه، لێ یا كهفتیه سهر دهڤێ مه ل گهل چهندین پهیڤێن دی!! ل دووماهیێ ژی ئهز و ههڤالێ خوه نهگههشتینه چ رێكا بۆ دیتنا تهرجهمهكی بۆ وێ پهیڤێ.. ئینا منژی گۆتێ دێ ههره كهفشته بهسه دا بنڤین و ههتا سوباهی خودێ كهریمهدێ پسیار كهین ژ زمانزانا..ئهڤه ژ كهرهما خوه ههكه ئێك بزانین كهفشته چ مهعنایه بلا ب خێرا خوه بۆ مهبێژیت..
