ب وێنە – توپخانەیا تورکیا گوندەکێ سنوورێ پارێزگەھا دھۆکێ بومبەبارانکر
ئەڤرۆ نیوز ، نەوزاد ھلوری:
درەنگی یا شەڤا بووری توپخانەیا سوپایێ تورکیا ب سەختی گوندێ بێدوھێ یا سەر ب دەڤەرا بەرواری بالا ل سنوورێ قەزا ئامێدیێ یا سەر ب پارێزگەھا دھۆک بوردومانکر.
ئەحمەد ئەدنی فوتوگرافەر و رۆژنامەڤان ل دەڤەرا بەرواری بالا چەند وێنەیێن بوردومانا شەڤا بوری یا سوپایێ تورکیا بو گوندێ بێدوھێ لسەر تورا جڤاکی یا فێسبوکێ بەلاڤکرینە و گوتیە: (شڤێدی سوپایێ تورکیا مالا محەمەد سەلمان ئاکنجیێی گوندێ بێدوھێ بوردوانکریە و زیانێن مەزن گەھاندینە مالا وی و خانویێن دەردورا وی)
زێدەتر گۆت: ( بوردومانا سوپایێ تورکیا ئەڤە ماوەیێ دوو ھەیڤانە بو دەردورێن گوندێ بێدوھێ یا بەردەوامە ، بەێ ئەڤجارە نیڤا گوندی بویە ئارمانج ، سوپاس بو خودێ شڤێدی کەس د خانویی ڤە نەبویە و چوو زیانێن گیانی نەبوینە )
