شاندەکێ حکومەتا عیراقێ ل گەل حکومەتا ھەرێمی کومبوون
ئەڤرۆ نیوز ، نەوزاد ھلۆری:
ئەڤرۆ شاندەکێ حکومەتا عیراقێ کو ژ چەند وەزیرەکان پێکھاتبوون ل گەل حکومەتا ھەرێما کوردستانێ کومبوون.
شاندێ عیراقی کو ب فەرمانا حەیدەر عەبادی سەروک وەزیرێن عیراقێ ب سەروکاتیا جەبار عوبەیدی وەزیرێ پەترولا عیراقێ ھاتبونە ھنارتن و پێکھاتبوون ژ وەزیرێن پەترول و چاندن و پەروەردێ، و ژلایێ ھەر ئێک ژ ئاشتی ھەورامی وەزیرێ سامانێن سرۆشتی و پشتیوان سادق وەزیرێ پەروەردێ و عەبدولستار مەجید وەزیرێ چاندنێ ھاتنە پێشوازیکرن.
وەسا بریارە شاندێ عیراقێ بو دەما چوار رۆژان ل ھەرێما کوردستانێ بمینن و دانوستاندنێ ل بارا چەندین پرسێن گرنگ دناڤبەرا ھەرێما کوردستانێ و عیراقێ دوارێ پەترول و چاندن و پەروەردێ بھێنەکرن.
