ب وێنه: پانزينخانه‌ك هاته سۆتن و كه‌سه‌كى گيانێ خوه ژ ده‌ست دا
ئه‌ڤرۆ نيوز، رێژين نهێلى:
كه‌سه‌كى ئه‌ڤرۆ رۆژا پێنجشه‌مبى ژ ئه‌نجامێ سۆتنا پانزينخانه‌كێ ل سه‌ر رێيا ئيبراهيم خه‌ليل ل زاخۆ گيانێ خوه ژ ده‌ست دا.
رائيدێ مافپه‌روه‌ر بێوار عه‌بدولعه‌زيز، به‌رپرسێ راگه‌هاندنا به‌ره‌ڤانيا باژێرى ل دهۆكێ بۆ ئه‌ڤرۆ نيوز دياركر كو ئه‌ڤرۆ ل ده‌مژمێر 2:55 ده‌قيقه ل زاخۆ و ل سه‌ر رێيا ئيبراهيم خه‌ليل ژ ئه‌نجامێ په‌قينا قه‌پاغا تانگه‌كێ گازێ ئاگر به‌ربوو پانزينخانه‌كێ.
رائيدێ مافپه‌روه‌ر زێده‌تر گۆت: “هه‌ر ئێكسه‌ر پشتى هاتينه ئاگه‌هداركرن هه‌ر ئێك ژ بنگه‌هێن زاخۆ و رزگارى و سێ تيمێن كوردستان و ئاسيا و شه‌هيدان ل جهێ روودانێ ئاماده بوون و بوودان كۆنترۆلكر”.
به‌رپرسێ راگه‌هاندنا به‌ره‌ڤانيا باژێرى ل دهۆكێ دا زانين ژى كو ژ ئه‌نجامێ ڤێ بوويه‌رێ كه‌سه‌كى گيانێ خوه ژ ده‌ست دايه و زيانێن مه‌زن يێن ماددى ژى يێن هه‌ين.
