ب وێنە – ھێلەکا ئاسمانی یا ھاتن و چۆنێ دناڤبەرا پارێزگەھێن ھەرێمێ ھاتەدانان
ئەڤرۆ نیوز ، ھلۆری:
کومپانیا “ھێلا ئەکسل” یا فروکەڤانیا بلەز و ڤەگوھاستنا ئەسمانی ب رێیا ھەلیکوپتەران د داخوازنامەیەکێ دا کو دانەیەک دەست ئەڤرۆ نیوز کەفتیە ، ئەڤرۆ رۆژا چوارشەمبی دیارکر کو ئەو دێ د رێورسمەکێ دا دەست ب ڤەگوھاستنا ھەر کەسی کەن دناڤبەرا ھەموو پارێزگەھێن ھەرێمێ ب تایبەتی د حالەتێن بلەز و مەترسی بو سەر گیانێ وان.
پرۆژە پرۆژەیەکێ قانونی یە و ھەموو کارێن وێ یێن قانونی ل بەغدا و ھەرێما کوردستانێ ھاتینەکرن و ب سیستەمەکێ پشتراستیێ بریتانی ھاتیەدانان و ھەموو فەرمانبەر و ئەو کەسانێن کو تێدا کاردکەن خەلکێ کوردستانێ نە و فروکەڤان ژی فەرەنسی و یونانی نە کو شیانێن ھەلگرتنا حەفت کەسان لگەل دوو فروکەڤانان ھەیە و بو ھەموو مەرەمێن بلەز و گەشت و گوزار و سەرەدان و ساخلەمی و ڤەگوھاستنا بلەز و بریندارێن پێشمەرگەی و کەسانێن ئاسا ژی ھێنە بکارئینان.
