پێنج وه‌لاتێن ئورۆپا بڕيار دا ڤێزا شنگن ل هه‌ولێر بده‌نه وه‌لاتيێن هه‌رێمێ
ئه‌ڤرۆ نيوز:
پێنج وه‌لاتێن ئورۆپى بڕيار دا ڤێزا يێ ب وه‌لاتێن هه‌رێما كوردستانێ بده‌ن، بۆ وێ چه‌ندێ ژى ل باژێرێ هه‌ولێر سه‌نته‌ره‌كێ نوو هاته ڤه‌كرن، به‌رپرسێ قونسلخانا فره‌نسا ژى راگه‌هاند: “پێدڤى ناكه‌ت وه‌لاتى ژ نوكه و پێڤه سه‌ره‌دانا قونسلخانان بكه‌ن”.
دومنيك ماس قونسلێ فره‌نسا ل هه‌ولێر د داخۆيانيه‌كا رۆژنامه‌ڤانى دا راگه‌هاند: پێنج وه‌لات ل گه‌ل كۆمپانيا VFS يا جيهانى رێكه‌فت بوون، ئه‌ڤه ژى بۆ وێ چه‌ندێ يه وه‌لاتيان پێدڤى نه‌بيت سه‌ره‌دانا قونسلخانان بكه‌ن، به‌لكو دێ ل وێ كۆمپانيێ داخوازيان پێشكێش كه‌ن و پاشان ژى به‌رسڤێ پشتى بڕيارا قونسلخانێ ل هه‌مان جهـ وه‌رگرن.
گۆتژى: “ئه‌ڤ كۆمپانيه ب تنێ كارى ب ساناهى دكه‌ت و چو بڕياره‌ك د ده‌ست دا نينه، ڤيزا هه‌ر ئێك ژ وه‌لاتێن (نه‌مسا، فره‌نسا، سلۆڤينيا، پرتۆگال و هۆله‌ندا” دێ د رێيا وێ كۆمپانيێ دا بۆ وه‌لاتيێن كوردستانێ هێته دان”.
ده‌رباره‌ى تێچوونا بهايێ وه‌رگرتنا ڤيزا فره‌نسا گۆت: “بهايێ پێدانا ڤيزا يێ ب تنێ 60 دۆلارن و پارێ سێرڤس ژى ب تنێ 30$ ن، ب سه‌رجه‌مێ گشتى دانا ڤيزا وه‌لاتێ فره‌نسا بۆ وه‌لاتيێن هه‌رێما كوردستانێ 90$ و هه‌ر بهايه‌كێ دى بهێته وه‌رگرتن يێ زێده‌يه”.
|
||||
