وێنه‌ى: 15 قوتابى د وه‌رگه‌ريانا ترۆمبێله‌كێ دا بوونه قوربانى
ئەڤرۆ، بارزان سلێمان مزووری:
وەلاتیەکێ دەڤەرا سۆران ب ناڤێ ھەژار عەلی بۆ ئەڤرۆ نیوز دیار کر کو ئەڤرۆ سپێدێ ترومبێلەکا ڤەگوھاستنا قوتابیێن گوندێ جاوەکە ژ جورێ دێر پیکاب ل سەر رێيا گوندى وەرگەریا، د ئەنجام دا 15 قوتابیێن کوڕ و کچ بریندار بوون و بۆ نەخوشخانا تەنگاڤیا ل سۆران ھاتنه ڤەگوھاستن ژ بوو چارەسەرکرنا برینێن وان، گەلەک ژ وان قوتابیێن کچ برینێن وان د گران بوون.
ناڤبری دا زانين ئەو قوتابیێن د ناڤا ترۆمبێلێ دا بۆ قوتابخانا ئامادەی یا گوندێ گەزنە دا ھێنە ڤەگوھاستن ژ بوو خواندنا خوه و گۆت: “د ماوێ دو سالان دا ئەڤە ترۆمبێلا چارێ یە ل سەر ڤێ رێ دھێتە وەرگەریان”.
هه‌ژار خوياكر كو گوندێ جاوەکە سەر ب قەزا سۆران ڤەیە ژ بەر نەبوونا قوتابخانەکا ئامادەی بۆ خاندنا خوه قوتابى دچنە گوندێ گەزنە دا کو خواندنا خوه تمام کەن.