حەفت سالە ئەڤ نەخوشخانە کارێن خوە دکابینەکێ دا ب رێڤە دبەت
ئەڤرۆ نیوز ، نەوزاد ھلۆری:
کومەلگەھا وەلات ژێری ل دەڤەرا بارزان کو نێزیکێ ٥٠٠ مالان بخوڤە دگریت ، و ئەڤە نێزیکێ حەفت سالایە ھاتیە چێکرن و ھێشتا بنگەھێ نەخوشخانەیا وان د کابینەکێ دایە.
دڤی واریدا ” د. فەیسەل ” رێڤەبەرێ بنگەھێ نەخوشخانا وەلاتژێری بۆ ئەڤرۆ نیوز گۆت : ( بنگەھێ نەخوشخانا کۆمەلگەھا وەلاتژێری ئێکە ژ وان بنگەھێن نەخوشخانەیان کو رۆژانە ھژمارەکا بەرچاڤ یا نەساخان قەست دکەنێ بەلێ ئەڤە نێزیکێ حەفت سالایە ھەتا نھا چ ئاڤاھی بو نەھاتینە چێکرن و کارێن خوە د کابینەکێ ڤە ب رێڤە دبەین )
زێدەتر گۆت : ( ھەر چەندە بو چەندین جاران مە جھێن شولەژێ لسەر درۆستکرنا ئاڤاھیەکێ بو بنگەھێ نەخوشخانا کومەلگەھا وەلاتژێری ئاگەھدارکرینە ، بەلێ چوو دیار نینە و دنھادا ژ بەر قەیرانا دارایی چوو کار بۆ چێکرنا ئاڤاھیەکێ بو بنگەھێ نەخوشخانەیا کومەلگەھا وەلاتژێری ناھێنە ھاڤێتن )