پێدڤیه پۆلیس و دادگهه پێرابوونێن دژوارتر بكاربینن
پێدڤیه پۆلیس و دادگهه پێرابوونێن دژوارتر بكاربینن
51 تۆمهتبار د ههیڤهكێ دا ل دهۆكێ رهڤینه و 77 ژى دبهرزهنه
بۆ تۆمهتبارێ رهڤى ……
حهمزه رهزیكى
تو یێ بهرتاوانكرى د كێشا ژماره ( ) ئهوا هاتیه تۆماركرن ل بنگههێ پۆلیسێن (….) ل دووڤ بهندێ 9/خامسا من قانوون حمایه المستهلك رقم (1) لسنه 2006، ژبهركو جهێ ئاكنجیبوونا ته نهدیاره، بریار هاتهدان تو بهێیه ئاگههداركرن ب رێیا دو رۆژنامێن ناڤخووى بۆ ئامادهبوونێ بهرامبهر ڤێ دادگههێ سپێدههیا رۆژا (….)، بهروڤاژى ڤێ چهندێ دێ دادگههكرنا ته هێتهكرن ب پاش مله (غیابى) ل دووڤ قانوونێ.
ئهڤ نڤیساره ژبلى كو گێلهشووكهكا شاشیان ژلایێ رێنڤیسا زمانى ڤه ل گهل تێكهلكرنا زمانێن كوردى و عهرهبى و هندهك جاران زاراڤێن كرمانجیا ژێرى و ژوورى تێدانه، ئێك ژ وان نڤیسارانه كو ههیڤانه یان هندهك جارا رۆژانه ب دههان ل ناڤ بهرپهرێن رۆژنامان دا دهێنه دیتن و ب شانازیڤه پێدڤى یه ل دو رۆژنامێن رۆژانه بهێته بهلاڤكرن ههتا تۆمهتبار كا دێ خوینیت یان نه و پێرابوون ل ههمبهر بهێنه وهرگرتن، پێرابوونێن مه ژلایێ بجهئینانێ و دادگههكرنێ یێن بووینه بهلاڤكرنا ( ئاگههدارى، راگههاندن و دادگههكرنا پاشمهله (غیابى) ل سهر رۆپهلێن رۆژنامهیان.
ل دووڤ پێداچوونهكا من ل ناڤ بهرپهرێن ئاگههداریان دا ل رۆژێن ( 3ههتا 31/7/2017) ئانكو كێمتر ژ ههیڤهكێ، وهسا دیاردبیت د ههیڤهكێ دا (136) نڤیسارێن فهرمى ل دادگههێن پارێزگهها دهۆكێ دهركهفتینه و بهلاڤبووینه، كو (77) ژوان بابهتێن ئاگههداركرنێ بوون بۆ هندهك تۆمهتباران كو جهێ ههر (77) كهسان ل بهر دادوهران و پۆلیسان بهرزهبوویه، ئانكو جهێ ئاكنجیبوونا وان یێ دیار نینه، تشتێ سهرنجا من راكێشاى هندهك نڤیسار ژ وان ههتا ناڤێن (18) كهسان تێدانه و ههر (18) یێن چووین و كهس چو نزانیت!!!.
ههروهسا (51) تۆمهتبار ژى رهڤینه، لێ دیسا ب تنێ هاتیه نڤیسین (بۆ تۆمهتبارێ رهڤى:….)، باشه چاوا دزانن یێ رهڤى و ههكه بزانن كیڤه رهڤى یه؟
(8) نڤیسار ژى بۆ (8) كهسا هاتینه هنارتن كو ب داگههكرنا پاشمهله ( غیابى) هاتینه دادگههكرن.
پتریا كێشهیان رهنگه ( قهرزارى، ژێكجودابوون، ئاریشێن خێزانى، توندوتیژى و خراب ب كارئینانا ئامیرێن ئهلكترۆنى و …هتد) بن، لێ دبیت داواكارێن وان ب ههیڤان ل ژڤانێ دادگههكرنێ و گههشتنا تۆمهبارى بن بۆ سزایێ خوه و تومهتبار ژى رهڤى بیت.
ههر چهنده ئهز قانوونزان نینم، و ژبلى قانوونا كارێ رۆژنامهڤانیێ من پێزانین ل سهر چو قانوونێن دیتر ژى نینن، لێ یا ئهز دزانم ئهڤه حالهتهكێ نه ئاسایى یه و ل چو وهلاتان ژى من باوهرى نینه ب ڤى شێوازى سهرهدهرى ل گهل تۆمهتباران بهێته كرن.
پرسیارا ئێكێ یا من دڤییا ئاراستهى پۆلیسان و دادگههێ بكهم ئهوه ههكه د ههیڤهكێ دا حالێ مه ئهڤه بیت هنده كێشه بهرزهببن و كهس چو نهزانیت؟ د سالهكێ دا چهند كێشهیێن ب ڤى رهنگى د ناڤ فایلان دا دهێنه ههلگرتن و چارهنڤیس و پاشهرۆژا وان دێ چاوا بیت؟
پرسیارا دیتر ئهوه ئهرێ یا رهوایه ههر تۆمهتبارهك بێ (كهفالهت) بهێته ئازادكرن و ئهو كهفیل بۆچى هاتیه و چو پێرابوون ل گهل دهێنه وهرگرتن ههكه تومهتبارێ وى رهڤى؟
خالهكا دى یا بۆ من بوویه جهێ حێبهتیێ ئهوبوویه كو بهرى چهند ههیڤهكان د ههڤدیتنهكا رۆژنامهڤانى دا ل گهل پۆلیسان وهسا هاتبوو دیاركرن كو سیستهمهكێ ئهلیكترۆنى یێ سهردهم هاتیه چێكرن و ههموو بنگهه پێكڤه هاتینه گرێدان و ئێدى چو تۆمهتبار نهشێن بچنه ژدهرڤه یان چو معامهلان برێڤهببهم و ئیللا دێ هێنه گرتن، ههكه ئهڤه ئهنجام بن ب راستى پێدڤى ب پێداچوونێ یه د وى سیستهمى دا ژى بكهن.
ههكه سهرهدهرى یا دهزگههان ل گهل تۆمهتباران ب ڤى رهنگى بیت ل باژێرهكێ وهكو یێ مه، ئهم چاوا بهحسێ سهروهریا قانوونێ و ئارامیێ بكهین؟
بهلێ بلا ژبیرا مه نهچیت ژى بهرى چهند سالان 11 تاوانبار ل چاكسازیا زڕكا ب رێیا كولانا تۆنێلهكێ رهڤین و نههاتنه دهستهسهركرن، ڤێجا یێ ل مال بیت و برهڤیت ئهم ل ژڤانێ چو بین؟
