چار یاریزانێن كوردستانی هاتنە داخوازكرن و ڕاهێنەر گەشبینە
یێ ئوسترالی ڕاهێنەرێ هەلبژارتیێ ئیراقێ پێكهاتیێ تیما خوە بۆ قارەمانییا كۆپا كەنداڤییا 27ێ ڕاگەهاند ئەوا 26 یاریزان دناڤا ئیراقێ و هەرێما كوردستانێ و یاریزانێن ڕەڤەند ژ دەرڤە داخوازكرین ژ وانا چار یاریزانێن كوردستانی دناڤا پێكهاتیێ وی دانە كو بڕیارە قارەمانی ل 23ێ ڤەَ مەهێ هەتا شەشێ چریا ئێكێ یا بهێت ل وەلاتێ سعوودیێ بەردەوام بیت ئەوا هەشت هەلبژارتی پشكدارن و هاتینە بەلاڤكرن ل سەر دو كۆما، تیمێن ئێكێ و دویێ دێ دەربازبنە یارییا پێش دووماهیێ.
لدووڤ لیستەیا هاتیە بەلاڤكرن هەر ئێك ژ مێرخاس غازی دوسكی ژ یانەیا فێكتۆریا بلزن یا بەلجیكی، یوسف ئەلئیمام یانەیا دهۆك، ئاكام هاشم یانەیا زاخۆ و محەمەد دلاوەر یانەیا نەورۆز.
د داخویانیەكا رۆژنامەڤانی دا گێرهام ئارنۆلد گۆت: ئەڤ قارەمانییە بۆ مە گەلەك یا گرنگە، نابیت ڤێ پشكداریێ ب كێماسی بدانینن، ئەم دێ پشكداربین ژبۆ هەڤڕكیێ ل سەر ناسناڤی، مە مفایەكێ باش ژ مۆندیالا جیهانی وەرگرتییە دڤێت بكەینە سەربۆر و دخزمەتا تیمێ دابیت، 50% ژ پێكهاتیێ مە یێ لیستا پێشتر یا مۆندیالێ نەمایە ئەڤ بڕیارە ژی دەلیڤەیە بۆ خوونێن گەرم، گەشبینم دێ ئاست و ئەنجامێن باش هەبن.
بۆ زانین ئەو هەلبژارتیێن پشكدار هاتینە بەلاڤكرن ل سەر دو كۆمان، هەلبژارتیێ ئیراقێ د كۆما ئێكێ دایە پێكهاتینە ژ سعوودیە، عومان و كویت، كۆما دویێ ئیمارات، قەتەر، بەحرەین و یەمەن، ئێكەم یارییا وێ دێ ل چارەشەمبییا بهێت ئەنجامدەت.
