ژبەر نەبوونا پشتەڤانییێ دێرینێن دهۆکێ خوە ڤەکێشان
تاهر رێكانی
د داخۆیانیهكێ دا سلێمان زهكی سكرتێرێ دهستهیا دێرینێن دهۆكێ بۆ رۆژنامهیا ئهڤرۆ دیاركر ژبەرنەبوونا پشتەڤانیێ ل تیما وان یا هەلبژارتیێ پارێزگەهێ د قارەمانییا هەرێما کوردستانێ، نەچاربوون د یارییا گەڕا پێنجێ دا بەرانبەر هەلبژارتیێ هەولێرێ خوەڤەکێشن و چاڤەرێ پشتەڤانیێ نە بۆ دوبارە ڤەگەرن.
زێدەتر ناڤهاتی گۆت: پشتی دگهل كادرێ راهێنانێ و یاریزانان کۆمبووین گههشتینه رێكهفتنێ كو ئەم نەشێن بەردەوامیێ بدەینە پشکدارییا خوە لەوڕا نەچاربووین خۆ ڤهكێشین، هەرچەندە لسهر ڕهزامهندیا فدراسیۆنا فوتبۆلا دهۆكێ پشكداری د ڤێ قارهمانییێ دا كریە، مە لیستا ڤەدیتن یا تیمێ بۆ هنارت پێخەمەت ئەو بدەنە جهێن پەیوەندیدار ژبۆ مەزاختنا پێدڤیێن تیمێ، لێ ئهو پشتهڤانی گیروبوو، هەرچەندە فدراسیۆنا ناڤبری كۆژمەیێ 700هزار دیناران بۆ مه مهزاختن مه ژی وهكو دهستهیا دێرینان كۆژمهكێ دی پهیداكر، دیسان ب سوپاسیڤه د.عهبدولا جهلال سهرۆكێ یانهیا دهۆك ترۆمبێلا كوستهر و یاریگههـ و دهستهكێ جلكان بۆ یاریزانێن مه دابینكرن، بڤی هاریكاریێ ئهم شیاین یاریا خۆ یا ئێكێ ل باژێرێ سوران برێڤهبهین.
هەروەسان سلێمان زەکی گۆت: بابهت ژهندێ مهزنتره چونكه دهمێ كوستر دچیته دهرڤهیی پارێزگههێ پێدڤی ب مهزاختیهكێ مهزنه ژبلی خوارن و ڤهخوارنا شاندێ تیمێ، پشتی مه دیتی هاریكاری گهلهك گیرووبووین مه چهندین بزاڤان كرن لێ بێ مفا بوو، ڕژدیا مە ئەوبوو بۆ ناڤێ پارێزگهها خۆ بكهین، لەوما ژی دووڤدا وهكو دهستهیا دێرینان و یاریزانهكێ تیمێ كۆژمهكێ دی یێ پارا دناڤ خۆدا دابینكرن ههتا كو شیاین ڤان چوار یاریان برێڤهببهین، پێنەڤێت بڕیارەکا ژ نەچاریبوو لێ ههر دهمێ هاریكاری بهێته كرن و ڕاهێنهر و یاریزان رازیبن دێ دوباره ڤهگهرین بۆ یاریێن مایی
