ئهم و ئهو دهرگههێ پهشیمانبوونێ بۆ یێن گۆتی نهخێر ڤهكهن
ژ بهر كو نها ئهم یێ د قووناغهكا زۆرا ههستیار دا دهرباز دبین و چاڤهرێی رۆژهكا دیرۆكی نه، ئهو ژی ریفراندۆمه ئهوا دهێته چاڤهرێكرن كو كورد تێدا بێژن بهلێ بۆ سهرخوهبوون و جودابوونێ ژ عیراقی، لهوما زۆرا گرنگه كو ههمی هێز و شیان و نڤیسین د ڤێ ههیڤا مای دا بهێنه تهرخانكرن بۆ وێ ئارمانجێ و ههر چهنده ئهز وهكو كهسهك زۆرێ گهشبینم كو دێ دهنگێ بهلێ ب سهركهڤیت، چونكی وهكو ئهز دبینم كو ریفراندۆمێ و بهری رۆژا ئهنجامدانا وێ كورد ل دهرڤه و ل كوردستانێ ههمی یێن كرینه ئێك دل و ئێك دهست و كهس گوهێ خوه نادهته چهند دهنگێن نهشازێن خوه فرۆتینه هندهك لایهنان و دبێژنه خهلكی كو نها دهم نهیێ گونجایه بۆ سهرخوهبوونێ!! لهوما دبێژینه وان كهسان.. نهخێر بۆ ههوه..دوهی و ئهڤرۆ و سوباهی ههمی دهم دباشن مرۆڤ بریارا خوه تێدا بدهت، بریاردان بۆ دهولهتبوونێ پێدڤی دهنگێن نهشاز نینه، چونكی خودانێن وان دهنگان ژی باش دزانن كو دێ ریفراندۆم بسهركهڤیت و مللهت بێژیت بهلێ بۆ جودابوونێ ژ عیراقێ و دهولهتبوونێ، هوون دێ باوهر ژ من كهن ههكه بێژم كو ههر ژ نوكه دلێ منێ ب وان كهسان ڤه، چونكی دپهشیمانن كو ل دهسپێكێ وهسا خوه بۆ مللهتی دایه نیاسین كو دژی ریفراندۆمێ نه و ههمی تشت وهسا دیار دكهن كو دێ ریفراندۆم بسهركهڤیت و مللهت بێژیت: بهلێ.. ب رێژهیهكا مهزن و نها ئهو كهس خێ دخۆن و ئاڤێ ب سهردا دكهن، چونكی دپهشیمانن و دزانن دشاشن و چاڤهرێی هندێ نه ئێك دهرگهههكی بۆ وان ڤهكهت بزڤرنه باوهشا مللهتی و ل گهل دا پێكڤه بۆ ریفراندۆمێ كار و خزمهتێ بكهن.. ئهز هۆسا ههست دكهم و دبیت یێ خهلهت بم.. لێ پا ئاماژه وهسا دهێن كو ئهو كهسان د پهشیمانن خوه ژ مللهتێ خوه جودا كری و دژی حهز و ڤیانێن مللهتێ خوه راوهستیاین.. دپهشیمانن و نوكهیێ لهقا ل تبلێن خوه ددهن، ژ بهر كو دزانن ئهوا وان كری دبێژنێ خیانهتكاری دهرههقێ گهلێ خوه دا و دۆزا وی یا رهوا.. ژ من وهره پهشێمانی و زڤرین بۆ ناڤ مللهتی نهشهرمه، شهرم ئهوه مرۆڤێ بهردهوام سهر خهلهتیا خوه و دژاتیا هیڤی و ئۆمێدێن وی مللهتی یێ د گهل دا دژیت، ئهڤجا دا دهرگههێ پهشێمانبوونێ ب دلێ خوه یێ مهزن بۆ وان كهسان ڤهكهین یێن ههتا نوكه ل دژی ریفراندۆمێ راوهستیاین و دڤێت بزڤرنه د ناڤ مللهتی و دهنگێ بهلێ ..
