كۆمارا فیدڕالی یا كوردستانێ دێ زۆر جوداتر بیت ژ ههرێما كوردستانێ
ڕاگههاندن و دامهزراندنا كۆمارا فیدڕالی یا كوردستانێ، دێ مهزنترین و گرنگترین گوهۆڕین بیت د دیرۆكا گهلێ كوردستان و خهباتا ئازادیخوازی یا گهلێ كورد دا، سروشتێ گوهۆڕینێن تێن خوهستن ژی ب جۆرهكێنه ئهگهر زۆر كهس ژ رهوشا نها نه ڕازیبن ژی، گهر د یهك دهمدا زۆر ب باشی ل زیان و مهترسیێن ئهنجام نهدانا گوهۆڕینێ و مفایێن ئهنجامدانا وێ نههێنه ئاگهدار كرن، وهكو پێدڤی پالپشتی ل گوهۆڕینێ ناكهن.
ئهگهر ب بهروڤاژی ژی كهسان و ئالیهك زۆر ب شارهزایی دژی وێ گوهۆڕینێ ههلوهستی ژی وهربگرن و پرۆپاگهندهیا دژ بۆ بكهن، ئهنجامدانا وێ گوهۆڕینێ زۆر ب ساناهی نابیت.
ئهڤا د پرۆسا ریفراندۆمێ و سهربخوهیی یا كوردستانێ دا دهێته دیتن، دروست ل گهل ئهڤا ل سهری مه باس كری دگونجیت، ل جهێ داخێیه وهكو پێدڤی ئالیێن سیاسی و رهوشهنبیران نهشیاینه زیان و مفایێن وێ گوهۆڕینا مهزن بۆ ههڤوهلاتیێن ههرێمێ شرۆڤه بكهن، ههر ژ بهر ڤێ چهندێ ژی، سهرۆك بارزانی وهك داكۆكیكارێ سهرهكی یێ پرۆسا ڕیفراندۆم و سهربخوهیێ ئهركهكێ زۆر گران كهفتیه ل سهر ملان، بارزانی چهند سالهكن زۆر ب جوانی ههتا كو پێ هاتبیته كرن ئهو بابهته یێ ئازراندی و ههتا نها ژی ب ههمی شیانێن خوه ڤه بۆ گههشتنا گهلێ وی بۆ وێ ئارمانجا ڕهوا یێ دپێكولان دایه و كاری بۆ دكهت.
لێ دڤێت بزانین ئهڤه ب تنێ ئهركێ بارزانی نینه، بهلكو ئهركێ ههر ههڤوهلاتیهكێ ڤێ كوردستانێ یه كو ههمی پێكولێن خوه بدهت، داكو پێكڤه بشێین باشترین مفا ژ قۆناغا پۆست فیدرالیزم وهربگرین و وهكو گهلێ كوردستانێ ب مافێن خوه یێن ڕهوا بگههین كو سهربخوهبوونا مهیه.
گهر د نهادا خهلكێ كوردستانێ ب كێمیڤه ل سهر دو بهرهیێن ب سهرڤه جودا، بهلێ د ناڤهرۆك دا د ئێك بهرهدا دابهش بكهین (ئهو ژی بهرهیێ سهربخوهخوازان و بهرهیی چاكسازیخوازان) كو ب باوهریا من هیچ ئێك ژ وان دو بهرهیان نهدژی ئارمانجا بهرهیێ دی یه، ههم ئهڤێن ئێكهم جار خوازیارێن دهولهتێنه چاكسازیخوازن و ههم چاكسازیخواز ژی خوازیارێن دامهزراندنا دهولهتێنه.
ب بۆچوونا من د نهادا، چ ئارمانج ژ ئالیێ كارێ خهبات و سیاسهت كرنێ ڤه نه پیرۆزتر و نه پێدڤی تره ژ تێكۆشینا ههمی ئالى یا ههمیان بۆ سهربخوهیی و ب دهستڤهئینانا سهروهری یا كوردستانێ.
د نها دا ڕهنگه قۆناغا سهخت دامهزراندنا دهولهتێ بیت، لێ قۆناغا ههره سهختتر دێ دروست كرنا دهولهتا دامهزراوهیی مهدهنی بیت، ههر ژ بهر ڤێ چهندێ ئهڤێن ڕۆلێ سهرهكی د شۆڕهشا رزگاریخوازی دا دیتینه، دڤێت د دامهزراندنا دهولهتێ ژی دا ڕۆلی ببینن، لێ دڤێت ل پاش سهربخوهیێ ئامادهیی یا تهمام ههبن بۆ ئهنجامدانا گوهۆڕینا ڕیشالی د جۆرێ بیركرن و كاركرنا خوهدا بۆ وێ چهندێ ئهو دهولهتا ئهم ههمی ئارهزوو دكهین كو دهولهتا قانوون و ههڤوهلاتیایه بهێته دامهزراندن.
ئهز وهسا دبینم ههروهك چاوا ڕهوشهنبیر و زانا نابیت وێ زانست و مهعریفهیا خوه ب خرابی ب كار بینن، شۆڕهشگێر ژی نابیت شۆڕهشگێریا خوه ب گهلێ خوه بفرۆشیت و ب خرابی ب كار بینیت، چونكو چهند شۆڕهشگێرێن زندی قوربانی دابن، قوربانی یا وان ناگههیته قوربانیدانا شههیدێن كوردستانێ كو ژیانا خوه كو ب نرخترین تشته كریه فیدایێ ئازادی و پاراستنا نهتهوه و نشتیمانی، د ههمان دهمدا ژی نابیت ڕێك بهێته دان كهسانهك بێڕێزیێ ب خهباتا وان یا مهزن بكهن.
ئهزموونا سهركهفتنا وهلاتێن پێشكهفتی ڤهدگهڕیت بۆ وان سهركردێن مهزن یێن كو گهل و نشتیمانێ خوه پێ گرنگتر و عهزیزتر بوویه ژ خوه و كهسێن نێزیكی خوه و پشتا خوه ب كهسێن دلسۆز و شارهزا ڤه گرتیه، ب بهروڤاژی ئهو سهركرده و شۆڕهشگێرێن دكهڤن داڤێن داخوازیێن نهڕهوا و خوهستهكێن كهسێن نێزیكی خوه، ناڤ ودیرۆكا خوه و ئایندهیێ گهلێ خوه دئێخنه بهر مهترسیێ.
د ڤێ قۆناغا خهباتا رزگاریخوازیا مه دا، ئهڤێن مه بارزانی پێ سهرۆك و ڕێبهره، ئهم ب تنێ ناهێلین و هیڤی یا من ئهوه ئهڤێن كو ب جۆرهك ژ جۆران دلگرانن ژی، هزرا خوه د ئایندهى دا بكهن و بلا د نها دا ئارمانجا ئێك بیت و پێكڤه بۆ سهربخوهیێ تێكۆشانێ بكهین، د پاشهڕۆژێدا ئهم ههمی پێكڤه بۆ بونیاتنانا دهولهتا دامهزراوهیی و ئهنجامدانا چاكسازی یا ڕیشالی دێ تێكۆشانێ كهین و ڕێیێ نادهین شهرمهزاری خوینا شههیدان و نڤشێ نوو ببین و دڤێت كۆمارا فیدرالی یا كوردستانێ زۆر جوداتر بیت ژ ههرێما كوردستانێ.
تێبینى:
ئهڤ گۆتاره د ههژمارا (2178) رێكهڤتى 23/8/2017 ل رۆژناما ئهڤرۆ ل بهرپهرێ (13) بهلابوویه، لێ ژ بهر گهلهك شاشیێن رێنڤیسێ تێدابووینه، لهوما دوبار دكهینهڤه، ل گهل داخوازا لێبۆرینێ ژ نڤیسهر و خواندهڤانێن هێژا.
