نه‌ته‌وه‌یێن ئێكگرتى: چه‌كێ داعشێ تێرا شه‌رێ 2 سالان دكه‌ت
ئه‌ڤرۆ نیۆز:
د راپۆرته‌كا نه‌ته‌وه‌یێن ئێكگرتى دا هوشدارى هاتنه‌دان، چه‌كێ رێكخستنا تیرۆرستێن داعشێ ل عیراقێ و سورا به‌هرا شه‌رێ دو سالێن بهێته هه‌یه.
راپۆرتا وان هه‌روه‌سا دیاركر، سه‌ره‌راى كو هێزێن هه‌ڤپه‌یمانان زوربه‌یا بنگه‌هێن چه‌كدارێن داعشێ كرینه ئارمانج و هنده‌ك چه‌ك و ته‌قه‌مه‌نى و ترۆمبێلێن وانا ژناڤبرینه، به‌لێ د هه‌مان ده‌مدا ئه‌و هێزێن ئه‌سمانى نه‌شێن چه‌كێ سڤك كو كه‌فتیه دده‌ستێن داعشێ ژناڤ ببه‌ت.
راپۆرتێ هه‌روه‌سا دوپاتكر، ئه‌ڤ چه‌كێ سڤك دێ رێیا چه‌كدارێن تیرۆرست خوشكه‌ت بۆ به‌رده‌وامیا شه‌رێ ب شێوه‌كێ ئارام ژ 6 هه‌یڤان هه‌تا 2 سالان كو ئه‌و شه‌ر ڤه‌كێشیت.
ئه‌و چه‌كێ نه‌ته‌وه‌یێن ئێكگرتى ژێ به‌حس دكه‌ت، هه‌موو كه‌فتیه دده‌ستێن چه‌كدارێن داعشێ دا ب رێیا كونترۆلكرنا بنگه‌هێن له‌شكرى یێن عیراقێ و سوریا ل ڤێ داویێ.
