زه‌عیم عه‌لی: نوكه ساخله‌میا من یا جێگیره
ئه‌ڤرۆنیۆز، ڤه‌گێر سه‌عدوللا:
د هه‌ڤپه‌یڤینه‌كێ دا ل گه‌ل رۆژناما ئه‌ڤرۆ زه‌عیم عه‌لی به‌رپرسێ میحوره‌ێ رۆژهه‌لات و رۆژاڤایێ دیجله و ئه‌ندامێ مه‌كته‌با سیاسیا پارتی دیموكراتی كوردستان كو دوهی د شه‌رێ ره‌بیعه دا بریندار ب بوو بۆ ئه‌ڤرۆ گۆت: (ده‌مژمێر 6 و نیڤێ سپێدێ وان هێرش كره سه‌ر خالێن پێشمه‌رگه‌ى ل ره‌بیعه، لێ پێشمه‌رگان به‌ره‌ڤانیه‌كا باش كر و ئه‌م ژى وه‌كو فه‌رماندێن وێ ده‌ڤه‌رێ چووینه هاریكاریا وان. نێزیكی ده‌مژمێر 11 وان ب نارنجوكا و ده‌بانجان هێرش كره سه‌ر مه و ساچمه‌كا نارنجوكێ ب ستویێ من كه‌فت و برین پیچه‌كێ یا كوور بوو هه‌تا كو ئێڤارى شه‌ر تمام بووی گه‌له‌ك خوین ژێ هات، ب شه‌ڤێ ده‌مێ ئه‌م زڤرینه ڤه، دكتوره‌كێ جه‌راح هات په‌نج بۆ من دانا و ساچمه ئینا ده‌رێ و نوكه بارودوخێ من گه‌له‌ك یێ باش و جێگیره).
درێژیا هه‌ڤپه‌یڤینێ د هژمارا سوباهی یا رۆژناما ئه‌ڤرۆ دا بخووینن.
فوتو: محمد حيران
