ئهم و ئهو مه دڤێت بێژین بهلێ..كۆمسیون ناهێلیت!؟
ژ رۆژا گۆتی ریفراندۆم دێ هێتهكرن دا كورد چارهنڤیسێ خوه ل گهل ئیراقێ دیاربكهن، رهڤهندا كورد ژ دهرڤهی كوردستانێ ژی وهكو ههر كوردهكی ئامادهیێن باش كرن، داكو بێبار و بێدهنگ نهبن د ڤێ روودانا دیرۆكی دا یا گرێدای وان، ههلبهت ژبلی گێرانا ئاهنگێن پشتهڤانیێ و خرڤهكرنا كورێن وێ رهڤهندێ و گێرانا كور و سمیناران و هاریكرنا ههر ئێكێ نهشێت یان نهزانیت كا دێ چاوا ناڤێ خوه تۆماركهت و دهنگی بدهت. لێ تشتێ كو د خهیالا مه دا قهد نهبوو ئهوهكو د ڤی سیستهمێ دهنگدانێ یێ كو كۆمسیونێ دانای بۆ رهڤهندا كورد ئهوهدێ نێزیكی 80% ژ خهلكێ وێ رهڤهندێ بێبار بن ژ دهنگدانێ و ئهڤ رێژهیه گهلهكا مهزن و دێ د پاشهرۆژێ دا كارتێكرنهكا نهرێنى ل سهر وێ رهڤهندێ كهت یێن كو ههتا نوكه هندهك دبێژنه وان (ههی هووووو هێشتا هوو یێن كوردینیا ل سهر دهمێ شۆرهشا ئیلۆنێ دكهن!!)، هندی ب گهرماتی و ب ههمی ههست و شیانێن خوه خزمهتێ دكهن و خهمساریێ د ڤی دهربارهی دا ناكهن، دێ بێژینه ههمیان بهلێ، كوردینیا مه هێشتا ئهوه ئهگهر هوون مهسار و سست نهكهن و ئاستهنگ و ئاریشان بۆ مهپهیدا نهكهن د رێیا خزمهتكرنا مهبوو كوردستانێ و گهلێ وێ و یا ژ ههمیێ گرنگتر ریفراندۆما چاڤهرێ یه ل ڤان رۆژێن نێزیك بهێته ئهنجامدان، ئێك ژ وان ئاستهنگێن ڤێ دووماهیێ كهفتیه د رێیا رهڤهندا كوردان دا بۆ خوه تۆماركرنێ و دهنگدانێ بۆ ریفراندۆمێ ئهوه كو كۆمسیونێ پلێتا ئاهێن خوارنێ وهكو شهرتهكێ سهرهكی یێ دانای بۆ تۆماركرنا ناڤێن رهڤهندێ بۆ پرۆسیسا دهنگدانێ و ئهڤ شهرته (ئاستهنگه) یا بۆیه رێگر و گهلهك نهشێن ناڤێن خوه تۆمار بكهن، سهرهرای هندێ كو دهنگێ خوه گههانده ههمیان ژ حزب و حوكمهتێ و سهركردایهتیا و ههتا مهزانی كو شهخسێ سهرۆك بارزانی ژی ئاگهداری ڤێ ئاریشێ یه و دروونشتنهكا خوهدا ل گهل تهخهكا خهلكێ كوردستانێ فهرمووتیه و گۆت: نابیت رهڤهندا كورد بێبار ببیت ژ دهنگدانێ و دڤێت ئهو ئاریشا دكهڤیته د رێیا دهنگدانا وان دا بهێته چارهسهركرن، ڤان گۆتنێن سهرۆكی دلێ رهڤهندێ زۆر زۆر خۆشكر، لێ مخابن ئهڤه ژ وێ رۆژێ تا ئهڤرۆ چاڤهرێ ینه گوهۆرینهك ژ لایێ كۆمسیونێ ڤهبهێتهكرن بۆ راكرن و نههێلا شهرتێ ههبوونا پلێتا ئاهێن خوارنێ بۆ رهڤهندان كورد ل دهمێ خوه تۆماركرنا ئهلكترۆنی و پاشی دهنگدانێ، لێ ههتا نوكه چ دیار نینهو وهسا دیارهكۆمسیونێ نهڤێت ب چو رێیهكی هاریكاریا رهڤهندا كورد ژ دهرڤهی كوردستانێ بكهت، ئهڤه ژبلی هندێ كو سیستهمێ دانای بۆ دهنگدانا ئهلكترۆنی زۆرێ لاواز و بێ سهروبهره، لێ ئهم درازی و سوپاسدارین وانین لێ تنێ مه ژ دهنگدانێ ب بهلێ بێبار نهكهن و ب تهعدایی و بێ دلێ مه ئهم ژی ل سهر نهخێر بهێینه هژمارتن؟ بهلێ و نهخێر دێ د دیرۆكێ دا بۆ ههر تاكهكێ كورد هێته تۆماركرن، ئهڤجا كۆمسیون تو بۆچی دبیه رێگر ل بهرامبهر بهلێیا مه!؟.
