هێرشا داعشێ ل میحوه‌رێ نه‌وران هاته تێشكاندن
ئه‌ڤرۆ نیۆز، بارزان مزوورى
به‌رپرسێ لقا 9 یێ ئاكرێ و به‌رپرسێ له‌شكریێ میحوه‌رێ نه‌وه‌ران سه‌ربه‌ست تروانشى تایبه‌ت بۆ ئه‌ڤرۆ نیۆز راگه‌هاند، ئه‌ڤرۆ چه‌كدارێن داعشێ ل میحوه‌رێ نه‌وه‌ران بزاڤكرن هێرشكه بكه‌نه سه‌ر بنگه‌هێن پێشمه‌رگه‌ى به‌لێ دوێ هێرشێ دا شكه‌ستن خواران.
سه‌ربه‌ست تروانشى هه‌روه‌سا دیاركر، چه‌كدارێن تیرۆریێن داعشێ ب چه‌كى دوشك و هاونان هێرشكرنه سه‌ر میحوه‌رێ نه‌وه‌ران و پێشمه‌رگه‌ى ژى ب توندى به‌رسڤا هێرشا وان دان و زیانه‌كا مه‌زن ب چه‌كدارێن داعشێ كه‌هاندن و ب نه‌چارى ڤه پاشه‌كشى كرن به‌رب مووسلێ و ره‌ڤین.
هه‌روه‌سا خوه‌یاكر، ل گۆڕ پێزانینێن خه‌لكێ گوندێن ده‌ڤه‌ا نه‌وه‌ران چه‌كدارێن داعشێ هژماره‌كا ته‌رمێن خوه به‌رب باژێرێ مووسلێ ڤه برن.
