مەولود باوەموراد : فرۆکخانێن ھەرێما کوردستانێ دێ ل سەر کارێ خوە بەردەوام بن
ئەڤرۆ نیوز ، ھلوری:
وەزیرێ ڤەگوھاستن و گەھاندنا عیراقێ د کونگرەیەکێ رۆژنامەڤانی دا دیارکر کو ھەردوو فرۆکخانێن نیڤدەولەتیێن سلێمانی و ھەولێرێ دیارکر کو بریارا عیراقێ ل بارا ڤەگوھاستنا دەستھەلاتا ھەردوو فرۆکخانان بو سەر فروکخانەیێن مەدەنیێن عیراقێ بریارەک سیاسی یە و ھەردوو فرۆکخانە دێ لسەر کارێن خوە بەردەوام بن.
مەولود باوەموراد وەزیرێ ڤەگوھاستن و گەھاندنێ دیارکر کو بریارا عیراقێ ل بارا راگرتنا فرۆکخانێن ھەرێما کوردستانێ بریارەک سیاسی یە نەک قانونی و گۆت: ( فروکخانێن نیڤدەولەتیێن ھەولێر و سلێمانی ب رەنگەک قانونی و شارستانی ل گورەی قانون و رێنمایێن فروکخانەیا مەدەنیا عیراقێ و جیھانی کاردکەت و ھەتا نھا چوو سەرپێچی نەکرینە و پێتر ھەر فروکەیەکا ھاتبیتە ھەرێمێ و ل ھەرێمێ دەرکەفت بیت ژی ھەر ب بریارا عیراقێ بوویە ، و ھەردوو فرۆکخانە لسەر ئەرک و خزمەتا کوردستانێ ھاتینە چێکرن و مولکێ کوردستانێ نە ، ژبەرڤی َدێ لسەر کارێن خوە بەردەوام بن)
زێدەتر گۆت: ( فرۆکخانەیێن ھەرێمێ بتنێ لسەر بنەمایێ رەھەندێن نیشتمانی و جیھانی بو مرۆڤایەتی کاردکەت و چوو بریارێن سیاسی لسەر نەھاتینە سەپاندن)
ژلایەکێ دنڤە تەلار فایەق رێڤەبەرا فرۆکخانا نیڤدەولەتی یا ھەولێر دیارکر کو بریارا عیراقێ بریارەک نەقانونی و شاشە و گۆت: ( ژبلی سیاسەتا خوە دەرئێخستنێ چوو بھانەیەک بو گرتنا ھەردوو فرۆکخانێن ھەولێر و سلێمانی نینن و عیراق نکاریت بگریت و ئەگەر بگریت ژی بو دەمەکێ کێمە ژبەرکو رۆژانە ئەڤ ھەردوو فرۆکخانە بو خزمەتا ئاوارە و پەنابەران و کونسول و نونەرێن جیھانی و سەردانکەرێن جیھانی دھێتە بکارئینان )