مزگينيه‌كا خۆش بۆ مامۆستايان
ئه‌ڤرۆ نيوز، سالار دۆسكى:
سەرۆکێ ئێکەتیا مامۆستایێن کوردستانێ بۆ رۆژناما ئەڤرۆ دیارکر کو رێڤەبەرێن قوتابخانان دەست ھەلات ھەیە کو سەرەرایی رۆژا شەمبی کو ب بریارا وەزارەتا پەروەردێ و بزاڤێن بەردەوامێن ئێکەتیا مامۆستایێن کوردستانێ بوویە بھنڤەدان ھەر مامۆستایەکی رۆژەکا دی ژی بوو بکەتە بھێنڤەدان.
ئەحمەد گەرمیانی سەرۆکێ ئێکەتیا مامۆستایێن کوردستانێ زێدەتر گۆت: رۆژا شەمبی ب بزاڤێن بەردەوامێن ئێکەتیا مامۆستایێن کوردستانێ بوویە بھێنڤەدان و ئەڤە بوویە بریار و حەفتیا بھێت دێ کەڤیتە دوارێ بجھئینانێ دا و نابینم بیتە قورسی بۆ قوتابخانێ ، دیسا رێڤەبەرێ قوتابخانێ ماف ھەیە رۆژەکا دی وەک ھاریکاری بدەتە مامۆستان و بتنێ ئەگەر میلاکێ زێدەبیت یان گۆتنا وانان ل سەر مامۆستان یا کێم بیت وەک ھاریکاری ئەڤە دروستە.
40 بۆ 45 خولەک بۆ ھەر وانەکێ ئەڤە ستاندارە و جیھانی یە، لێ گەلەک جاران قوتابخانە سێ دەوامی یە و تو نەشێ ئەڤێ چەندیچ دروست بکەی و ژبەر ئوفا رۆژا شەمبی دەمێ وانێ ژ 40 خولەکان ناھێتە کێمکرن و بتنێ ئەگەر قوتابخانێن سێ دەوامی نەبن
دیارکر ژی کو دێ پارێ ھاندنێ نێزیکترین دەم ل سەر مامۆستان ھێتە بەلاڤەکرن و پاشکەفتا مووچان زی زووترین دەم دا دێ ھێتە راکرن و ئەڤە پشتی کومبونێن ل گەل پەرلەمانێ کوردستانێ وسەرۆکاتیا حوکمەتێ ھاتینەکرن
تەوەرەکێ دی دا گۆت: توند و تیژی ھەتا نوکە حالاتن و نەبووینە دیاردە و سالا بووری بتنێ چەند حالەتەک بووینە و ھاتنە چارەسەکرن و توند و تژی پەروەردێ بتنێ نینە دناڤ جڤاکی دا ھەیە، لێ مە قانوونەک ھەیە ئەگەر سەربچن ئەڤ حالەتە دروست نەبن و ئەم بزاڤا دکەین بەردوام کو ئەڤ حالەتە نەمینن.
