“كۆمسيۆن نه‌شێت د ده‌مێ خوه دا هه‌لبژارتنان ئه‌نجام بده‌ت”
ئه‌ڤرۆ نيوز:
په‌رله‌مانتاره‌كێ ژ لژنا قانوونى يا په‌رله‌مانێ كوردستانێ راگه‌هاند كو كۆمسيۆن نه‌شێت هه‌لبژارتنان د ده‌مێ خوه يێ ده‌ستنيشانكرى دا ئه‌نجام بده‌ت، ئێك ژ ئه‌گه‌رێن سه‌ره‌كى ژى ده‌ڤه‌رێن كوردستانى يێن ده‌رڤه‌ى ئيدارا هه‌رێما كوردستانێ نه ژ لايێ قانوونى ڤه.
ده‌رباره‌ى كۆمبوونا لژنا قانوونى يا په‌رله‌مانێ كوردستانێ ژى ل دۆر پرسا هه‌لبژارتنێين هه‌رێما كوردستانێ، مونا قه‌هوه‌چى په‌رله‌مانتارا پێكهاتێ توركمان ل په‌رله‌مانێ كوردستانێ راگه‌هاند كو كۆمسيۆنا بلندا هه‌لبژارتن و راپرسيێ ئه‌و ئاگه‌هدار كرينه كو ژ ئه‌گه‌رێ هه‌بوونا چه‌ندين كێشان ئه‌و نه‌شێن هه‌لبژارتنان ل ده‌مێ ده‌ستنيشانكرى ئه‌نجام بده‌ن.
مونا قه‌هوه‌چى، گۆت: “بۆ مه ئاشكه‌را بوويه كو كۆمسيۆن نه‌شێت ب چو ره‌نگه‌كى نها هه‌لبژارتنان ل هه‌رێما كوردستانێ د ده‌مێ ده‌ستنيشانكرى دا ب رێڤه ببه‌ت”.
ئاشكه‌را ژى كر كو ئێك ژ ئه‌گه‌رێن سه‌ره‌كى ژ روويێ قانوونى ڤه، نوكه قانوونا په‌رله‌مانێ كوردستانێ ده‌ڤه‌رێن كوردستانى يێن ده‌رڤه‌ى ئيدارا هه‌رێمێ ب خوه ڤه ناگريت، “ئه‌ڤه ژى د ده‌مه‌كى دايه كو ئه‌وان ده‌ڤه‌ر ب گۆره‌ى ريفراندۆمێ ژ روويێ قانوونى ڤه ڤه‌گه‌رياينه سه‌ر هه‌رێما كوردستانێ”.
ه‌هوه‌چى ته‌كست ل سه‌ر وێ چه‌ندێ كر كو د ماوه‌كێ كێم دا ئه‌و ئاريشه چاره نابيت و گۆت: “كێشا ناڤخۆ يا هه‌رێما كوردستانێ ئه‌گه‌ره‌كێ دى يه و هه‌تا نوكه پارتێن سياسى خودان ئێك بڕيار نينن و گه‌فێن وه‌لاتێن هه‌ڤسوو ژى ل سه‌ر كوردستانێ د به‌رده‌وامن”.
