ھوزان ئازاد: زێرەڤانی بێ من نەشێت ئەنجامان ب دەست ڤە بینت
ئەڤرۆ:
کاپتنێ یانا سلێمانیێ و زێرەڤانیێ یێ بەری نوکە ھوزاد ئازاد دیارکر کو پشتی یانا سلێمانیێ خوە ڤەکێشانا خوە ژ خولا نایابا عیراقێ راگەھاندی ئێکسەر چەندین یانێن عیراقی و ھەرێمێ پەیوەندی پێکریە، لێ ھەتا نوکە وی بریارا خوە یا دووماھیێ نە دایە.
زێدەتر د دیدارەکێ دا ھوزانی بۆ رۆژناما ئەڤرۆ گوت: ھەر یاریکەرەکێ خودان ئاست بیت دێ ھەموو تیم ھەڤبەستێ پێشکێشی وی کەن و نوکە چەندین داخوازی لبەر دەستێ منن ژ وانا ھەر سێ یانێن باشورێ عیراقێ نەفت وەسەت، نەفت میسان و نەفت جنوب لێ ھەتا نوکە من بریارا خوە یا دووماھیێ نەدایە، چونکو دو یانێن ھەرێمێ ژی پەیوەندی بمن کریە.
زێدەتر ھوزانی ئەو چەندە ژی دیارکر کو یێ ئامادەیە کێمتری ھەڤبەستێن یانێن باشورێ عیراقێ بو یانێن ھەرێمێ بکەت ژبەر قەیرانا نوکە یا ھەمی یانێن ھەرێمێ ڤەگرتی و دیارکر وی ھەڤبەستێن باش لبەر دەست ھەنە.
لدووماھیێ لدور ڤەگەریانا وی بۆ خۆلا کوردستانێ ناڤبری گوت: ھژمارەکا تیمێن خولا کوردستانێ ژی پەیوەندی بمن کریە لێ حەزا من ئەوە ل خولا عیراقێ یاریێ بکەم و وەرزێ ئەڤ سالە خۆلا کوردستانێ ئەو ھێزا بەرێ نینە و باشترین نموونە زێرەڤانی ھەتا نوکە ژ چار یاریا بتنێ ئێک سەرکەفتن تومارکریە و ئەز ئەگەری ژی بو وێ چەندێ ڤەدگەرینم کو ئەز ل گەل نینم و زێرەڤانی بێی من نەشێت ئەنجامان ب دەستڤە بینیت.
