دژه تیرورا دهوكێ: زومار 100% هاتیه پاقژكرن
ئه‌ڤرۆ نیوز، چه‌كدار ئه‌ترووشى:
پشتى كونترولكرنا زومار فه‌رمانده‌یێن له‌شكرى وه‌سا دیاركر كو ئه‌و ده‌ڤه‌ره ب رێژا 85% هاتیه بومبرێژكرن و كار بو پاقژكرنا وێ دهێته‌كرن بو هندێ جاره‌كادى ژیان بزڤریتێ ڤه فه‌رماندێ هێزا دژێ تیرورا پارێزگه‌ها دهوكێ دیاركر كو زوومار پاقژبویه و یا بێ مێنه.
عه‌قید ئه‌حمه‌د گه‌لى رومانى فه‌رماندێ هێزا دژه تیرورا پارێزگه‌ها دهوكێ تایبه‌ت بو ئه‌ڤرۆ نیوز دیاركر كو زومار یا پاقژه و گوت” پشتى كونترولكرنا زوومار ژلایێ پێشمه‌رگه‌یێ كوردستانێ ڤه هاتبو راگه‌هاندن كو پتریا جه و خانیێن وێ و جهێن گشتى هاتینه تی ئێن تى كرن ژلایێ داعش ڤه و پشتى بورینا چه‌ند روژان زوومار ب ته‌مامى هاته پاقژكرن ژ مین و ته‌قه‌مه‌نیان”.
شێخ ئه‌حمه‌د ئاماژه ب وێ چه‌ندێ كر بلا خه‌لك یێ پشتى راست بیت و ب زڤریت و گوت” خه‌لكێ خوه پشت راست دكه‌ین كو چو مه‌ترسیا ته‌قه‌مه‌نیان نه‌مایه و زومار 100% هاتیه پاقژكرن و دخوازین ئه‌ڤێن مایى بزڤرنه مالێن خوه”.
ناڤبرى دیاركر كو رێڤه‌به‌ریێن میرى كارێ خوه دكه‌ن و گوت” رێڤه‌به‌ریێن خزمه‌تگوزارى روژانه كارێ خوه ئه‌نجام دده‌ن و جاره‌كا دى ژیان زڤرى ڤه”.
