دارا شەبەلوتێ ل دھۆک بەر ب زێدەبوونێ یە
ئەڤرۆ نیوز ، نەوزاد ھلۆری:
دارا شەبەلوتێ کو ھندەک ب دارا بەریا بیلادی بناڤ ژی دکەت کو ئێکە ژ دارێن کو ب رێیا شتلان دھێتە چاندن ، و ل ڤان سالێن داویێ ب رەنگەکێ بەرچاڤ دھێنە چاندن، ل گورەی ئاخفتنێن خودانێن ئێک ژ گولخانێن پارێزگەھا دھۆکێ دارا شەبەلوتێ ب رەنگەک بەرچاڤ ل ھەموو دەڤەرێن دھۆکێ دھێنە چاندن ژ بەرکو دەڤەرەکا سارە.
بابێ عەلی خودانێ گولخانا جوان ل باژێرێ دھۆکێ دیارکر کو داخوازیەکا زور لسەر دارێن شەبەلوتێ ل دھۆکێ و دەوروبەران دھێتەکرن و بۆ ئەڤرۆ نیوز گۆت: ( دارا شەبەلوتێ ئێکە ژ وان دارێن بەرھەمدارێن جیھانی و ل ھەموو جھان ناھێتە چاندن بەلکو بتنێ ل دەڤەرێن سار دھێتە چاندن و ھەلبەت پارێ.گەھا دھۆک ب گشتی یا سارە و ئاخفەکا باش و گونجای بو چاندنا دارا شەبەلوتێ ھەیە).
زێدەتر گۆت: ( دارا شەبەلوتێ ل تورکیا و چەند وەلاتەکێن دن دگەھیتە دھۆکێ ، پشتی کو مە ل چەند سالێن بوری بو ئێکەمین جار ل کوردستانێ چەند دانەیەک ل دارا شەبەلوتێ چاندی ، سوپاس بو خودێ سەرکەفتن ئینا و نھا ب رەنگەک بەرچاڤ داخوازیێن زور لسەر دارا شەبەلوتێ ھەنە و ل ناڤ رەز و بیستانێن دھۆک و دەروبەرێن وێ و گوندان و چەندان جھـ و دەڤەرێن دن ژی خەلەکێ برینە و چاندینە).
خودانێ گولخانا ناڤبری دیارکر ژی کو باشترە دارا شەبەلوتێ ب شێوەیێ شتل بھێتە چاندن و گۆت ژی: ( ئەگەر ب رەنگەک زانستی دارا شەبەلوتێ بھێتە چاندن و ب شێوەیەکێ باش ژی چاڤدێریا وێ بھێتە کرن ھەر دارەکا شەبەلوتێ یا مەزن دێ ھەتا نێزیکێ 20 کیلویێن بەرھەمی دەتن و کیلویا شەبەلوتان ژی ل بازاری گرانە و خودانێ وی َدکاریت داھاتیەکێ باش دێ بخوە پەیدا کەن).