شاره‌زایه‌كێ جیۆلۆجى: ده‌رئینانا نه‌فتێ ئه‌گه‌ره‌كێ سه‌ره‌كى یه بۆ دروستبوونا پیڤه‌له‌رزان
ئەڤرۆ نیۆز،سەباح زۆهێر:
پیڤه‌له‌رز ئێك ژوان روودانایه كو ب نه‌چاڤه‌رێ كرى دروست دبیت و مه‌ترسی و ترسه‌كا مه‌زن دئێخیته دناڤ مروڤاندا هه‌روه‌سا هژماره‌كا زور ژ خه‌لكى سالانه دبنه قوربانى ژ ئه‌نجامێ ڤان پیڤه‌رزان،شاره‌زایه‌كێ جیلوجى دبێژیت پیڤه‌له‌رز ل پلا دووێ ئاریشه نینه ل پلا سێ دبیته مه‌ترسى تایبه‌ت ل باژێران زیانێ دگه‌هینیت و ده‌رئینانا نه‌فتێ ل عه‌ردى ئه‌گه‌ره‌كێ سه‌ره‌كیه كو پیڤه‌له‌رز دروست دبن چونكى ده‌رئینانا نه‌فتێ ڤالاهیێ دروست دكه‌ت دناف عه‌ردى دا.
ره‌مه‌زان حه‌مزه شاره‌زایێ جیولوجى و ماموستایێ زانكویا دهوك بۆ ئه‌ڤرۆ نیۆز دده‌ته دیاركرن كو پیڤه‌له‌رز روودانه‌كا سروشتى یه چێدبیت ژ ئه‌نجامێ هندێ كو ئه‌ردى هنده‌ك شكه‌ست یێت هه‌ین ئه‌و شكه‌ست ل جهێن ڤالا په‌یدادبن و گه‌ردون یێ ل سه‌ر 7پلێتێن سه‌ره‌كى و هنده‌كێن بچویك كو هژمارا وان ژ 20دبوریت،كو ئه‌و جهێن لاواز كه‌مه‌ره یا ته‌نكه له‌وما گوهرین دروست دبن.گۆت جوداهى نینه ژ وه‌رزه‌كێ بۆ وه‌رزه‌كێ دێ بینى ل جهه‌كێ ژ مێژه باران نه‌هاتیه و ئه‌رد هشك بوویه و ڤالاهى د عه‌ردى دا چێدبن وى ده‌مى ئه‌وان جها ده‌مێ ئاڤ دچیتێ دێ ئه‌و جه تژی بیته‌ڤه و گوهرینه‌ك دێ ل وى جهى چێبیت.
هەروەسا ئاماژه دا وێ چه‌ندێ كو ده‌رئینانا نه‌فتێ ئه‌گه‌ره‌كێ سه‌ره‌كى یه، هه‌روه‌سا چێكرنا سكرا كو مروڤ بووینه ئه‌گه‌ر وه‌كى توركیێ و ئیرانێ كو ئه‌ڤه‌ژى لڤینێ پتر لێ دكه‌ن كو عه‌رد گرانتر لێ بهێت،لێ هنده‌ك ده‌وله‌تێن پێشكه‌فتى نه‌فت نابیته ئه‌گه‌رێ پیڤه‌له‌رزان، چونكى پشتى نه‌فتێ ده‌ر دئینن ئاڤێ دكه‌نه جهێ وێ داكو وێ ڤالاهیا ل ناڤ عه‌ردى تژى بكه‌ن ب ڤى شێوه‌ى كێشا عه‌ردى دهێته‌راگرتن.
ل داویێ ناڤبرى گۆت،كو پیڤه‌له‌رز ل پله دوو نه ئاریشه‌یه لێ پیڤه‌له‌رز ژ پلا سێ یێ بووریت یا مه‌ترسى یه،ئه‌گه‌ر ئه‌ڤ پله ل باژێرا و جهێ ئاكنجیبوونێ بیت زیانێت خوه هه‌نه پتر ژجهێن دى.