به‌غدا رسۆماتێن دارايى ل چه‌ند رێڤه‌به‌ريان ل هه‌رێمێ زێده‌كرن
ئه‌ڤرۆنيۆز:
حوكمه‌تا عيراقێ برياردا ب زێده‌كرنا رسۆماتێن ده‌رئينانا پاسپۆرتێ وگرێبه‌ستا هه‌ڤژينيێ وجودابوونا هه‌ڤژينان وتۆمارا زارۆكبوونێ كو ژ 250 ديناران ببنه 11 هزار دينار.
غوفران سه‌ليم رێڤه‌به‌رێ كارتا نيشتمانى ل هه‌ولێرێ راگه‌هاند( ب گۆره‌ى ىڤيساره‌كا وه‌زاره‌تا ناڤخوه‌يا عيراقێ كو ل 16 ئه‌يلۆلا ئه‌ڤ ساله ده‌رچوويه كو چه‌ند رۆژه‌كه گه‌هشتيه فه‌رمانگه‌ها مه، بريار هاتيه دان ل ده‌مێ ده‌رئينانا پاسپۆرتێ هنده‌ك مامه‌لێن دى ب شێوه‌كێ به‌رچاڤ چه‌ند رسۆمات بهێنه زێده‌كرن).
ناڤبرى بۆ وارۆژ زێده‌تر گۆت( ئه‌و بريار ل هه‌ولێرێ يا چوويه دبوارێ بجهئينانێ دا، كو به‌رى چه‌ند رۆژان هاتيه ئاراسته‌كرن بۆ رێڤه‌به‌ريێن پاسپۆرت، ره‌گه‌زنامه وبارێ كه‌سايه‌تى).
ل دۆر گۆژمێ وان رسۆماتێن هاتينه زێده‌كرن، دبێژيت( ل دووڤ وێ بريارێ رسۆماتێن كارتا نيشتامنى وه‌كو خوه دێ مينن كو پێشتر پێنج هزار دينار ژوه‌لاتيان دهاته وه‌رگرتن، به‌لێ رسۆماتێن گرێبه‌ستا هه‌ڤژينيێ وجودابوونا هه‌ڤژينان وتۆمارا زارۆكبوونێ كو پێشتر بۆ هه‌ر ئێك ژوان مامه‌لان گۆژمي 250 دينار هه‌تا هزار و250 دينار دهاته وه‌رگرتن، به‌لێ ژ نوكه وپێڤه گۆژمێ 11 هزار ديناران بۆ هه‌ر مامه‌له‌كێ دێ ژ وه‌لاتيان هيته وه‌رگرتن).
