رۆژنامه‌ڤانه‌كێ كورد خه‌لاته‌كێ ئه‌مريكى د بوارێ رۆژنامه‌ڤانى دا بده‌ستڤه دئينيت
ئڤرۆنيۆز:
رۆژنامه‌ڤانه‌كێ كورد خه‌لاتێ ديڤيد بيرك يێ ئه‌مريكى دبوارێ ويره‌كيا رۆژنامه‌ڤانى بۆ سالا 2017 وه‌ردگريت كو دهێته هژمارتن ژ خه‌لاتێن گرنگ ل ئه‌مريكا دبوارێ رۆژنامه‌ڤانيێ دا.
عه‌بدولحه‌ميد زێبارى په‌يامنێرێ كه‌نالێ الحره يێ ئه‌مريكى ل هه‌رێما كوردستانێ بۆ ئه‌ڤرۆنيۆز دياكر كو ئه‌و خه‌لاته ژلايێ كۆمپانيا بى بى جى يا ئه‌مريكى يا راگه‌هاندنێ ب وى هاتيه دان ژبه‌ر كارێ رۆمالكرنا رۆژنامه‌ڤانى بۆ شه‌رێ ئازادكرنا مووسلێ. زێبارى دياركر، خه‌لاتێ ب من هاتيه دان، ناڤێ (ديڤيگ بيرك) ل سه‌ر هاتيه دانان كو نڤيسه‌ر و رۆژنامه‌ڤانه‌كێ ئه‌مريكى يه ژ ويلايه‌تا كارولاينا باكوور. رۆژنامه‌ڤان عه‌بدولحه‌ميد زێبارى دده‌مێ رۆمالكرنا شه‌رێ مووسلێ ل گه‌ل وێنه‌گرێ خوه هاتبوو برينداركرن .
دپێشه‌كيا دياركرنا وى رۆژنامه‌ڤانى بۆ وه‌رگرتنا خه‌لاتێ ناڤبرى هاتيه كو هه‌ر ژ رۆژێن ئێكێ يا هه‌وا ئازادكرنا مووسلێ بۆ ژناڤبرنا ده‌ستهه‌لاتا وه‌حشهى يا داعشێ، عه‌بدولحه‌ميد زێبارى وهه‌ردو وێنه‌گرێن دگه‌لدا، ياسر سه‌ليم و جهان سه‌عيد، تووشى مه‌ترسيێن مه‌زن بوون دپێشكێشكرنا راپۆرتێن هوور وبابه‌تى ل دۆر كاره‌ساتێن ل عيراقێ رووده‌ن ژئه‌نجامێ كارێن درندانه ونه‌مرۆڤايه‌تى ژلايێ داعشێ ڤه وزێبارى ووێنه‌گر ياسر بريندارببوون وهه‌تا وى ده‌مى ژى دپێگير بوون ب ئه‌ركێ خوه يێ رۆژنامه‌ڤانى.