سياسه‌تمه‌داره‌كێ ناڤدار پێشنيازا ئه‌نجامدانا ريفراندۆمه‌كا دى دكه‌ت
ئه‌ڤرۆنيۆز:
سياسه‌تمه‌داره‌كێ ناڤدارێ لوبنانى دياردكه‌ت كو ئه‌و ريفراندۆما ل هه‌رێما كوردستانێ هاتيه ئه‌نجامدان، ب بريارا دادگه‌ها فيدرالى يا بلند ناهێته هه‌لوه‌شاندن وپێشنيازا ئه‌نجامدانا ريفراندۆمه‌كا دى دكه‌ت.
وه‌ليد جومبۆلات، ئه‌ندامێ په‌رله‌مانێ لوبنانى وسه‌رۆكێ حزبا سوشياليستا پێشكه‌فتنخواز دبه‌رپه‌رێ خوه ل سه‌ر تويته‌رى به‌لاڤكريه( ب ديتنا من ريفراندۆما هه‌رێما كوردستانێ، ب بريارا دادگه‌ها فيدرالى يا بلند ناهێته هه‌لوه‌شاندن).
وه‌ليد جومبۆلات زێده‌تر دبێژيت( يا باشتر ئه‌وه رێككه‌فتنه‌كا سياسى دناڤبه‌را به‌غدا وحوكمه‌تا هه‌رێمێ دا بهێته كرن ل دۆر چاره‌كا گونجاى بۆ ئه‌نجامدانا ريفراندۆمه‌كا دى كو ريفراندۆما ئێكێ ب هه‌لوه‌شينيت ودووپاتيێ ل سه‌ر سيسته‌مێ فيدراليێ ل عيراقا ئێكگرتى بكه‌ت).
