وه‌زاره‌تا ناڤخوه ئه‌ڤ برياره ده‌ركر
ئه‌ڤرۆنيۆز:
وه‌زاره‌تا ناڤخوه ل هه‌رێما كوردستانێ برياردا هه‌موو جهێن مه‌ى فرۆتنێ ل ده‌مژمێر 9 ب شه‌ڤێ بهين داخستن ونابيت چو جهه‌كێ تايبه‌ت ژى بۆ ئه‌نجامدانا دۆمبه‌لێ بمينيت.
رائيد فه‌خره‌دين مه‌ولود رێڤه‌به‌رێ پۆليسێن ناحيا عه‌نكاوه ل پارێزگه‌ها هه‌ولێرێ بۆ دوارۆژ گۆت، ل دووڤ نڤيساره‌كا وه‌زاره‌تا ناڤخوه‌يى ل هه‌رێما كوردستانێ كو دڤێ حه‌فتيێ دا هاتيه ئاراسته‌كرن بۆ هه‌موو پارێزگه‌هێن هه‌رێمێ، تێدا بريار هاتيه دان ژنها وپێدا پێدڤيه جهێن مه‌ى فرۆتنێ ل ده‌مژمێر 9 شه‌ڤێ بهێنه داخستن وهه‌ر كه‌سه‌كێ پێگيريێ ب ڤێ بريارێ نه‌كه‌ت، دێ جهێ وى هێته داخستن.
گۆت ژى، ب گۆره‌ى وێ بريارێ، نابيت جهێن مه‌ى فرۆتنێ مه‌يێ بفرۆشنه گه‌نجێن دبن ژيێ 18 ساليێ دا، هه‌روه‌سا نابيت مه‌ىا سار بفرۆشن، چونكى ئه‌ڤ چه‌نده دێ بيته ئه‌گه‌ري وێ چه‌ندێ كو شۆفێر وێ مه‌يا سار بكرن ول گه‌ل هاژۆتنا ترومبێلێ مه‌يێ ڤه‌خو‌ن، ئه‌ڤه ژى دێ بيته ئه‌گه‌رێ په‌يدابوونا روودانێن زێده‌تر يێن هاتنوچوونێ ، به‌لێ هه‌كه مه‌ى يا گه‌رم بيت ئه‌و كه‌سێ دكريت دێ به‌ته مال يان جهه‌كێ تايبه‌ت وپاشى دێ ڤه‌خوت.
خوياكر ژى، ب بريارا وه‌زيرێ ناڤخوه، ياريا دۆمبه‌لێ ل سه‌ر پاران هاته قه‌ده‌غه‌كرن ونابيت چو جهێن تايبه‌ت ب ڤێ ياريێ ڤه هه‌بن وهه‌ر ئۆتێله‌كا دۆمبه‌له تێدا بهێته ئه‌نجامدان، بێ ئاگه‌هداركرن، دێ هێته داخستن.
