116 ته‌رمێن تیرۆرستێن داعشێ دده‌ستێن په‌ێشمه‌رگه‌ى دا مان
ئه‌ڤرۆ نیۆز:
شه‌ڤا بۆرى ل گوندێ سه‌هله‌ج كو دكه‌فیته ژێریا به‌نداڤا مووسل، چه‌كدارێن داعشێ بزاڤێن هێرشه‌كا ترسناك كریه سه‌ر بنگه‌هێن پێشمه‌گێن هه‌رێما كوردستانێ.
فه‌رماندێ فه‌رمانده‌یا هێزا زێره‌ڤانیا كوردستانێ عه‌زیز وه‌یسى بۆ ده‌زگه‌هێن راگه‌هاندنێ دوپاتكر، كو شه‌ڤا بۆرى د شه‌ره‌كێ ل گه‌ل چه‌كدارێن داعشێ دا كو 7 ده‌مژمێران ڤه‌كێشا بوو، هێزێن پێشمه‌رگه‌ى شیان هێرشا چه‌كدارێن داعشێ بشكێنن و پاشه‌كشیێ پێ بكه‌ن.
فه‌رمانده عه‌زیز وه‌یسى هه‌روسا خوه‌یاكر، دشه‌رێ شه‌ڤا بۆرى دا ل ژێریا به‌نداڤا مووسل چه‌كدارێن داعشێ ب هه‌موو شیانێن خوه ب هێرشه‌كا توند هاتبوون، لێ پێشمه‌رگێ هه‌رێما كوردستانێ لێ هاتنه ده‌نگ و زیانێن مه‌زن پێ گه‌هاندن كو پتر ژ 116 ته‌رمێن تیرۆستان ب جه ماینه، زێده‌بارى وێ ئاشكراكر، كو هێزێن هه‌ڤپه‌یمانان ژى هێرشه‌كا توند كریه سه‌ر بنگه‌هێن چه‌كدارێن داعشێ و ئه‌و هێرش هاته تێكشكاندن.