چێكرنا مزگه‌فتا مه‌لا مسته‌فا یا كه‌ڤن د قوناغێن دووماهیێ دايه
ئه‌ڤرۆ نيوز:
ئه‌ڤرو ئێڤاری ئوسمان یونس، جێگرێ پارێزگه‌رێ دهوكێ دگه‌لدا رێڤه‌به‌رێ گشتی یێ په‌روه‌ردێ ل دهوكێ ورێڤه‌به‌رێ باژێرڤانیا دهوكێ و ئه‌وقافا دهوكێ سه‌ره‌دانا پروژێ ئاڤاكرنا قوتابخانا (یونایتد برازه‌ر سكول) ل سه‌نته‌رێ باژێرێ دهوكێ دا كو ژلایێ كومپانیا یو بی گروب ڤه دهێته بجهئینان و گه‌هشتينه رێژا زێده‌تر ژ 95 % كو پروژه ب كوژمێ زێده‌تر ژ 1 ملیون و 200 هزار دولارا دهێته بجهینان و هه‌می پێدڤیێن قوتابخانه‌كا سه‌رده‌م و پێشكه‌فتی تێدا هه‌نه و بریاره ل ڤان نێزیكا بدیماهیك بهێت ,
دیڤدا سه‌ره‌دانا پروژێ ئاڤا كرنا مزگه‌فتا مه‌لا مسته‌فا یا كه‌ڤن ل تاخێ نزاری ل باژێرێ دهوكێ هاته كرن و گه‌ریانه‌ك دناف پشكێن مزگه‌فتێ دا هاته كرن مزگه‌فت ب كوژمێ زێده‌تر ژ 10 ملیون دولارا دهێته بجهئینان و تێرا زێده‌تر ژ 4 هزار نڤێژ كه‌را هه‌یه و هه‌می پێدڤی تێدا هاتینه به‌رهه‌ف كرن وه‌كو جهێ به‌هیا و جهێت تایسبه‌ت بو ئافره‌تان و شویشتنا مریان و ل سه‌ر شێوازێ كه‌فنێ ئوسمانیا دهێته چێكرن و رێژا ئاڤاكرنێ گه‌هه‌شتیه پێتر ژ 95 % ..
ل دیماهیا سه‌ره‌دانێ جێگرێ پارێزگه‌رێ دهوكێ ده‌ست خوشی ل خودانێ كومپانیا یو بی گروب كر بو وی كارێ جوان و رێك و پێك یێ ل هه‌ردو پروژا كری وهیڤیا سه‌ركه‌فتنێ بو خواست
