بيڤه‌له‌رزه‌كێ ل ڤێ ده‌ڤه‌را هه‌رێما كوردستانێ دا
ئه‌ڤرۆ نيۆز:
ده‌سته‌يا گشتى يا گه‌شناسيێ وبيڤه‌له‌رزان ل عيراقێ، ئه‌ڤرۆ ئه‌ينيێ، راگه‌هاند، سپێده‌يا ئه‌ڤرۆ بيڤه‌له‌رزه‌كێ ب هێزا 3.9 ل دووڤ بيڤه‌رێ ريخته‌رى ل ده‌ڤه‌ره‌كا هه‌رێما كوردستانێ دا.
ل دووڤ به‌ياننامه‌كا ده‌سته‌يا گشتى يا گه‌شناسيێ وبيڤه‌له‌رزان ل عيراقێ، ئه‌و بيڤه‌له‌رز ئه‌ڤرۆ ل ده‌مژمێر ئێك و9 خۆله‌ك ل ده‌مێ سپێدێ ل ده‌ڤه‌ره‌كا ب سه‌ر قه‌زا ده‌ربه‌نديخان.
به‌لاڤكريه ژى كو سه‌نته‌رێ وێ بيڤه‌له‌رزێ دكه‌ڤيته باشوورێ رۆژهه‌لاتێ ده‌ربه‌نديخان ب دووريا 12 كيلۆمه‌تران ووه‌لاتيێن هه‌له‌بجه وده‌وروبه‌رێن وێ ژى هه‌ست ب وێ بيڤه‌له‌رزێ كر.
ناسح حه‌سه‌ن قايمقامێ ده‌ربه‌نديخان راگه‌هاند، ل ده‌مه‌كێ زوو ژ سپێده‌يا ئه‌ڤرۆ بيڤه‌له‌رزه‌ك ل ده‌ربه‌نديخان روودا، دياركر ژى كو تنێ 300 چادر يێن بۆ ده‌ربه‌نديخان هاتينه دابينكرن ووان پێدڤى ب زێده‌تر چادرانه، ژبه‌ركو هنده‌ك ژ تاخێن ده‌ربه‌نديخان داخوازا چادران ژ مه دكه‌ن.
دياركر ژى، ئه‌و گۆژمێ ئێك مليار ديناران ژى ئه‌وێ حوكمه‌تا هه‌رێمێ بۆ ده‌ربه‌نديخان دابينكرين،هه‌تا نوكه نه‌گه‌هشتينه قه‌زا ده‌ربه‌نديخان، به‌لێ يێ گه‌هشتى سلێمانيێ ودێ يێ تايبه‌ت بيت ب چێكرنا ئاڤ وكاره‌با قه‌زايێ زێده‌بارى چه‌ندين ئاڤاهى و باله‌خانه‌يێن هه‌رفتين ژئه‌نجامێ بيڤه‌له‌رزا ب هێز يا 12 هه‌يڤا بۆرى.
