خزمه‌تێن ساخله‌مى بۆ ڤێ ته‌خێ دێ د بێ به‌رانبه‌ر بن
ئه‌ڤرۆ نيۆز:
وه‌زاره‌تا ساخله‌ميێ ل هه‌رێما كوردستانێ ئاشكراكر، ژ نوكه ووێڤه پێشكێشكرنا خزمه‌تێن ساخله‌مى ل كلينيكێن نوشدارى بۆ ته‌خه‌كا خودان پێدڤيێن تايبه‌ت دێ بێ به‌رانبه‌ر، يان ب بهايه‌كێ كێم بيت.
خالس قادر په‌يڤدارێ وه‌زاره‌تا ساخله‌ميێ راگه‌هاند، ل سه‌ر داخوازا سه‌رۆكێ كۆمه‌لا به‌ژن كورتێن كوردستانى وژبه‌ركو ره‌وشا ئابوورى يا وێ ته‌خێ يا باش نينه، مه ئه‌و داخوازى يا دايه سه‌نديكايێن نوشدارى ونوشدارێن ددانان وده‌رمانسازى وبايولۆژى ومه داخواز ژێ كريه كو ژ نوكه ووێڤه چاره‌سه‌رى وپشكنين ودانا ده‌رمانان بۆ به‌ژن كورتان، بێ به‌رانبه‌ر بيت، يان ب بهايه‌كێ كێم بيت.
زێده‌تر بۆ باسنيۆز گۆت، ب ديتنا مه ئه‌و پێنگاڤه خزمه‌ته‌كا كێمه بۆ به‌ژن كورتان ب تايبه‌تى كو يێن ل ره‌وشا ناله‌بار دا ول دووڤ گونجانێ ژى دێ دوان جۆره بزاڤان دا دبه‌رده‌وام بين ودێ بزاڤێ كه‌ين ته‌خێن دى ژى ب تايبه‌ت خودان پێدڤيێن تايبه‌ت ژ وان جۆره خزمه‌تان دمفادار بن.
