دپرۆژێ قانوونا بودجا عيراقێ دا ناڤێ هه‌رێما كوردستانێ هاتيه گوهۆرين
ئه‌ڤرۆ نيۆز:
حوكمه‌تا عه‌بادى دپرۆژه قانوونا بودجا گشتى يا عيراقێ بۆ سالا 2018، ناڤێ هه‌رێما كوردستانێ ب (حوكمه‌تا پارێزگه‌هێن كوردستانێ) ناڤ دكه‌ت.
ئه‌شواق جاف ئه‌نداما جڤاتا نوونه‌رێن عيراقێ ژ فراكسيۆنا پارتى راگه‌هاند، دپرۆژێ قانوونا بودجا عيراقێ بۆ سالا 2018، كو حوكمه‌تا به‌غدا دووباره بۆ جڤاتا نوونه‌ران هنارتيه، ناڤێ حوكمه‌تا هه‌ريما كوردستانێ ب (حوكمه‌تا پاريزگه‌هێن كوردستانێ) ئينايه وبه‌هرا بودجه‌ى ژى ل دووڤ ئاكنجيێن هه‌ر پاريزگه‌هه‌كێ هاتيه دانان، ئه‌وژى پشتى برينا بودجا سيادى.
ئه‌شواقێ زێده‌تر بۆ باسنيۆز گۆت، وه‌كو سالێن بۆرى، بودجه بۆ كرينا چه‌ك وته‌قه‌مه‌نى وكه‌ره‌ستێن له‌شكرى بۆ وه‌زاره‌تا ناڤخوه وبه‌رگريێ وهه‌والگيريێ وميليشيێن حه‌شدا شه‌عبى هاتيه ته‌رخانكرن، به‌لێ ئێك دينار بۆ پێشمه‌رگه‌ى تێدا نينه.
گۆت ژى، دپرۆژه قانوونا بودجه‌ى دا تنێ قه‌ره‌كێ كه‌ڤن يێ تێدا بۆ هه‌رێما كوردستانێ، ئه‌وژى يێ هاتيه گوهۆرين بۆ پرۆژه‌كێ ئاڤێ ل هه‌له‌بجه وبودجا وى 22 مليۆن دۆلارن.
