ده‌وله‌تا قانوونێ ورێكخراوا به‌در ژێكڤه‌بوون
ئه‌ڤرۆنيۆز:
ئه‌ندامه‌كێ ليستا به‌در دجڤاتا نوونه‌رين عيراقێ دا، ئه‌ڤرۆ چارشه‌مبى، راگه‌هاند، دهه‌لبژارتنێن داهاتى دا ليستا وان دێ جودا پشكداريێ تێدا كه‌ت بێ كو هه‌ڤپه‌يمانيێ ل گه‌ل ليستا ده‌وله‌تا قانوونێ بكه‌ن، ژێده‌ره‌كى ژ ده‌وله‌تا قانوونێ ژى ئه‌ڤ چه‌نده پشت راستكر.
حه‌نين قه‌دۆ ئه‌ندامێ ليستا به‌در راگه‌هاند، ئه‌ميندارێ گشتيێ رێكخراوا به‌در هادى ئه‌لعامرى بۆمه دياركر كو به‌در دێ ليسته‌كا تايبه‌ت ب خوه‌ڤه هه‌بيت دهه‌لبژارتنێن داهاتى دا دوور ژ ده‌وله‌تا قانوونێ.
قه‌دۆى زێده‌تر بۆ (مه‌علومه) گۆت، ريكخراوا به‌در دێ گه‌له‌ك هيزێن دى دناڤ ليستا خوه‌دا كۆم كه‌ت.
ژلايێ خوه‌ڤه ژێده‌ره‌كێ بلند ژ ليستا ده‌وله‌تا قانوونێ ژێكڤه‌بوونا به‌در وده‌وله‌تا قانوونێ دهه‌لبژارتنێن داهاتى دا پشت راستكر وگۆت، رێكخراوا به‌در هه‌ڤپه‌يمانيێ ل گه‌ل مه ناكه‌ت دهه‌لبژارتنان دا.
ئاماژه دا ژى، مه ل به‌ره هه‌ڤپه‌يمانيێ ل گه‌ل هنده‌ك هێزێن نێزيك ژ حه‌شدا شه‌عبى بكه‌ين.
