نێچيرڤان بارزانى دێ ل گه‌ل سه‌رۆكێ فره‌نسى كۆمبيت
ئه‌ڤرۆ نيۆز:
شانده‌كێ بلند يێ حوكمه‌تا هه‌ريما كوردستانێ ب سه‌رۆكاتيا نيچيرڤان بارزانى ب سه‌ره‌دانه‌كا فه‌رمى گه‌هشته پاريس پايته‌ختا فره‌نسا ودێ ل گه‌ل سه‌رۆكێ فره‌نسى ئێمانوێل ماكرۆن كۆمبيت.
ئئيڤاريا ئه‌ڤرۆ ئه‌ينيێ 1/12/2017 ل سه‌ر داخوازه‌كا فه‌رمى يا سه‌رۆكێ فره‌نسى، شاندێ بلند يێ هه‌ريمێ ب سه‌رۆكاتيا نێچيرڤان بارزانى سه‌رۆك وه‌زيرێن هه‌ريمێ وجێگرێ وى قوباد تاله‌بانى وفائاد حسێن سه‌رۆكێ ديوانا سه‌رۆكاتيا هه‌رێمێ وسه‌فين دزه‌يى په‌يڤدارێ فه‌رميێ حوكمه‌تا هه‌ريما گه‌هشته پاريس.
ل دووڤ به‌ياننامه‌كا حوكمه‌تا هه‌رێما كوردستانێ، ل رۆژا شه‌مبيێ 2/12/2017 سه‌رۆكێ فره‌نسى ئێمانوێل ماكرۆن ل كۆچكا ئه‌ليزێه ل پاريس دێ پێشوازيێ ل شاندێ هه‌ريما كوردستانێ كه‌ت ودێ ره‌وشا گشتى يا عيراقێ وپه‌يوه‌نديێن دناڤبه‌را هه‌ولێرێ وبه‌غدا به‌حس كه‌ن، هه‌روه‌سا په‌يوه‌نديێن هه‌رێما كوردستانێ وفره‌نسا هينه به‌حسكرن.
