ئه‌ڤرۆ نێچيرڤان بارزانى وماكرۆن ل كۆچكا ئه‌ليزێه دێ كۆمبن
ئه‌ڤرۆ نيۆز:
برياره ئه‌ڤرۆ نێچيرڤان بارزانى سه‌رۆك وه‌زيرێن هه‌رێما كوردستانێ ل كۆچكا سه‌رۆكاتيا فره‌نسا (ئه‌ليزێه) ل گه‌ل سه‌رۆكێ فره‌نسى ئێمانوێل ماكرۆن كۆم ببيت.
ل دووڤ خشتێ كارێن سه‌رۆكێ فره‌نسى كو دمالپه‌رێ سه‌رۆكاتيا فره‌نسا دا هاتيه به‌لاڤكرن، ماكرۆن ئه‌ڤرۆ شه‌مبيێ 2/12/2017 ل كۆچكا ئليزێه دێ ل گه‌ل نيچيرڤان بارزانى سه‌رۆك وه‌زيرێن هه‌رێما كوردستانێ وجێگرێ وى قوباد تاله‌بانى كۆمبيت وپاشى دێ به‌ياننامه‌ك ل دۆر ئه‌نجامێن كۆمبوونێ هێته به‌لاڤكرن.
ئێڤاريا دوهى ئه‌ينيێ 1/12/2017 ل سه‌ر داخوازه‌كا فه‌رمى يا سه‌رۆكێ فره‌نسى، شانده‌كێ بلندێ هه‌رێما كوردستانێ ب سه‌رۆكاتيا نێچيرڤان بارزانى گه‌هشتبوو پاريس پايته‌ختا فره‌نسا .
ل دووڤ به‌ياننامه‌كا حوكمه‌تا هه‌رێما كوردستانێ، دكۆمبوونێ دا برياره ره‌وشا گشتى ياعيراقێ وپه‌يوه‌نديێن دناڤبه‌را به‌غدا و هه‌ولێرێ ، هه‌روه‌سا په‌يوه‌نديێن هه‌ريمێ وفره‌نسا بهێنه به‌حسكرن.
