فرۆكێن ئيسرائيلێ بنگه‌هه‌كێ له‌شكرێ ئيرانى توپبارانكر
ئه‌ڤرۆ نيۆز:
فرۆكێن ئيسرائيلى ئه‌ڤرۆ سپێدێ بنگه‌هه‌كێ له‌شكرى يێ ئيرانى ل نێزيك ديمه‌شق پايته‌ختا سووريێ توپبارانكر.
ئاژانسا سپوتنيك يا رۆسى ژزارده‌ڤێ ژێده‌ره‌كێ مه‌يدانى به‌لاڤكر، فرۆكێن ئيسرائيلى پێنج مۆشه‌ك ئاراسته‌ى بنگه‌هه‌كێ ب سه‌ر فرقا ئێكێ يا له‌شكرێ سوورى كرن كو دكه‌ڤيته دناڤبه‌را هه‌ردو ده‌ڤه‌رێن كسوه وسه‌حنايا ل باشوورێ ديمه‌شقێ.
دياركر ژى، هێزێن به‌رگريا ئه‌سمانى يا سوورى سێ مۆشه‌ك ژناڤبرن ودو مۆشه‌ك ژى كه‌ڤتنه نێزيك عومباره‌كا چه‌كى ودئه‌نجامدا چه‌ندين په‌قين روودان.
چه‌ندين ژێده‌رێن ده‌نگوباسان ئاماژه دان كو فرۆكێن ئيسرائيلى بنگه‌هه‌كێ له‌شكرى يێ ئيرانى توپبارانكر كو ئه‌و بنگه‌ه ل ده‌ڤه‌را كسوه دهێته دروستكرن ل نێزيك ديمه‌شقێ.
به‌لێ ئاژانسا سانا يا ده‌نگوباسان يا فه‌رمى يا سورى، به‌لاڤكر كو مۆشه‌كێن ئيسرائيلى ل ده‌مژمێر 12:30 ل رۆژا شه‌مبى ژ ئه‌ردى يێن هاتينه ئاراسته‌كرن بۆ بنگه‌هێ له‌شكريێ ئيرانى وزيانێن مادى يێن گه‌هاندينێ.
