كوردان دژى عه‌بادى ل به‌غدا ئيمزا كرن،ئه‌ڤرۆ نيوز ده‌قێ نڤيسارێ به‌لاڤ دكه‌ت
ئه‌ڤرۆ نیوز ، نه‌وزاد هلۆرى:
ئه‌ندامه‌كێ په‌رله‌مانێ عیراقێ دیاركر كو هه‌موو فراكسوونێن كوردستانێ ب ئێكهه‌لویست نڤیساره‌ك ئاراسته‌ی حه‌یده‌ر عه‌بادى و په‌رله‌مانێ عیراقێ كریه ، و دوپاتكر كو دنڤیسارێ دا هه‌موو داخوازیێن كوردان لسه‌ر پروژه قانونا بودجا 2018 یا عیراقێ ئێخستینه به‌رچاڤ.
دڤى واریدا ” به‌ختیار شاویس ” ئه‌ندامێ په‌رله‌مانێ عیراقێ دیاركر كو ئه‌ڤرۆ هه‌موو فراكسوونێن كوردستانێ ل رێیا یاداشته‌كێ هه‌موو داخوازیێن كوردان لسه‌ر پرۆژه قانونا بودجا عیراقێ یا سالا 2018 ئاراسته‌یێ حه‌یده‌ر عه‌بادى سه‌روك وه‌زیرێن عیراقێ و په‌رله‌مانێ عیراقێ كرینه و گۆت: ( دوێ نڤیسارێ دا هه‌موو هوركارى و تێبینى و داخوازیێن كو لسه‌ر پرۆژه قانونا ناڤبرى هه‌یى هاتینه بلندكرن و هه‌موو فراكسوون ژى ب ئێكهه‌ولیست بووینه )
د نڤيسارێ دا، نوونه‌رێن هه‌رێمێ ل به‌غدا تێبينييێن خوه ل دۆر كێمكرنا بودجێ هه‌رێمێ ژ 17 بۆ 12% هه‌روه‌سا كێمكرنا ژمارا فه‌رمانبه‌رێن هه‌رێمێ و چه‌ندين تێبينيێن دى به‌رچاڤ كرن كو ئه‌گه‌ر نه‌هێته چاره‌كرن، كورد ده‌نگى ب بودجه‌ى ناده‌ن و ل گۆر زانياريێن ئه‌ڤرۆ نيوز ژبه‌ر نه‌رازيبوونا كوردان، په‌رله‌مانێ عيراقێ دانوستاندنان ل دۆر بودجه‌ى پاش خستيه.
