ل زانكویێن دهۆكێ دوو هزار قوتابی د پرۆژێ گه‌نج و سوشیال میدیا دا دێ هێنه به‌رهه‌ڤكرن
ئه‌ڤرۆ نيوز:
ل دور چاوانیا ب كارئینانا ئنترنێتێ ب ره‌نگه‌كێ ساخله‌م ومفا وه‌رگرتن ژته‌كنولوجیا سه‌رده‌میانه ئه‌ڤرو نیڤرو 3-12-2017 ل هولا كولیژا ئادابێ ل زانكویا دهوكێ ب ئاماده‌بونا بهزاد علی ئاده‌م نوینه‌رێ پارێزگه‌رێ دهوكێ و د.میهڤان عارف نوینه‌رێ سه‌روكێ زانكویا دهوكی رێ ورسمێن پروژێ گه‌نج و سوشیال میدیا یێ كو ژلایێ رێكخراوا نووگاڤ وب هاریكاریا پارێزگه‌ها دهوكێ و زانكویا دهوك هاتیه ئاماده‌كرن هاتنه گێران .
لبه‌راهیێ په‌یڤا بخێر هاتنێ ژلایێ به‌رپرسێ رێكخراوێ به‌رێز فه‌همی سلمان هاته خاندن تێدا بخێر هاتنا به‌رهه‌ڤبویان كر وگرنگیا ڤی پروژه‌ی به‌رچاڤكر وگوت:ئالاڤێن ته‌كنولجیا سه‌رده‌مانه تایبه‌ت ئنترنێتێ زور ئه‌رێنی ونه‌رێنیێن خو هه‌نه له‌ورا دڤێت گه‌نجێ مه ب ژیری سه‌ره‌ده‌ریێ دگه‌ل بكه‌ت وهه‌ر تشته‌كێ باش بیت مفای ژێ وه‌رگریت وهه‌ر تشته‌كێ خراب خو ژێ دور كه‌ت .
هه‌روه‌سا گوت ڤه‌كرنا وركشوپا دڤی پروژه‌ی دا دێ مفایێن باش گه‌هینیته قوتابی وگه‌نجان وخواست كو هه‌موو پشكدار ب گرنگیڤه سه‌حكه‌نه به‌رنامێن وركشوپان وسوپاسیا هه‌موو لایه‌نان كر یێن بوینه هاریكار بو ڤه‌كرنا وركشوپێ وسه‌ركه‌فتن بو پشكدارا خواست.
پاش جودا جودا نوینه‌رێ پارێزگه‌رێ دهوكێ و نوینه‌رێ سه‌روكێ زانكویا دهوكێ په‌ڤێن خو خاندن وگرنگیا تكنولوجیا سه‌رده‌میانه تایبه‌ت گرنگیا ئنترنێتێ ومفایێن وێ دبوارێن زانستی وئه‌كادیمی دا به‌رچاڤكرن وسه‌ركه‌فتن بو پشكدارا خواست .
هه‌ژی گوتنێ یه ئه‌ڤ پروژه ژلایێ رێكخراوا نووگاڤ وب هاریكاریا پارێزگه‌ها دهوكێ وهه‌ڤكاریا زانكویا دهوك هاتیه ئاماده‌كرن “پروژێ گه‌نج وسوشیال میدیا “دێ شه‌ش هه‌یڤا به‌رده‌وامكه‌ت و24 وركشوپ بو قوتابیێن زانكویێن پارێزگه‌ها دهوكێ دێ هێنه ئاماده‌كرن ودهێته چاڤه‌رێكرن (2000) دوو هزار قوتابی مفای ژبه‌رنامێن پروژه‌ی وه‌رگرن.
