داخوازا دياركرنا چاره‌نڤيسێ مووچێ پاشكه‌فتى دێ ژ حوكمه‌تێ هێته كرن
ئه‌ڤرۆنيوز:
لژنا دارايى ل په‌رله‌مانێ كوردستانێ دكۆمبوونا دوهى يا خوه‌دا دانوستاندن ل سه‌ر چه‌ندين بابه‌تان كر وبرياره ل هه‌فتيا داهاتى داخوازه‌كێ پێشكێشى حوكمه‌تا هه‌رێما كوردستانێ بكه‌ت بۆ ئه‌نجامدانا كۆمبوونه‌كێ ل دۆر چاره‌نڤيسێ مووچێ پاشكه‌فتى يێ فه‌رمانبه‌ران.
هێڤا حاجى بريارده‌را لژنا دارايى ل په‌رله‌مانێ كوردستانێ راگه‌هاند” كۆمبوونا پێنج شه‌مبى يا لژنا دارايى ل سه‌ر دو بابه‌تان بوو، چاره‌نڤيسێ پاشكه‌فتكرنا مووچان دێ چ ب سه‌ر هيت؟ كو مه دڤێت وى بابه‌تى ل گه‌ل حوكمه‌تێ به‌حس بكه‌ين”. ل دۆر بابه‌تێ دويێ ژى گۆت” ل دۆر پرسا چاكسازيێن حوكمه‌تا هه‌رێمێ بوون كا ئه‌و دێ چ ب سه‌ر هێت؟”.
هێڤايى زێده‌تر بۆ وشه گۆت ” دێ داخوازيه‌كێ ئاراسته‌ى سه‌رۆكاتيا حوكمه‌تێ كه‌ين بۆ كۆمبوونێ ل هه‌فتيا داهاتى دا وچاڤه‌رێ دكه‌ين به‌رسڤا مه بهێته دان”.
